6.9 C
Dushanbe

Раиси нави Бонки миллии Тоҷикистон сабабҳои гароншавии маводи ғизоиро шарҳ дод

Сурат: ПрессаТҶ

Раиси нави Бонки миллии Тоҷикистон (БМТ) Ҳоким Холиқзода дар бораи сабабҳои болоравии нархи маводи ғизоӣ, ки боиси нигаронии сокинон шудааст, ибрози назар кард.

Бино ба навиштаи “Авеста” Холиқзода дар нишасти ахири парлумон гуфта, ки ҳадафи асосии БМТ дар ин давра нигоҳ доштани сатҳи мӯътадили нархҳои дохилӣ дар доираи ваколатҳои худ тавассути истифодаи механизмҳои сиёсати пулию қарзӣ барои пешгирии фишори омилҳои пулӣ ба нархҳо мебошад.

Ҳоким Холиқзода ба вакилон гуфт, ки болоравии нархи маводи ниёзи аввал аз моҳҳои март, апрел ва октябри соли равон оғоз ёфт.

Вай афзуд, ки нархи ғизо дар ин давра 5,6% боло рафт. Ба рӯйхати маҳсулоти хӯрокаи гароншуда асосан орд, биринҷ, шакар, равған, картошка, пиёз ва ғайра дохил мешаванд. Холиқзода болоравии нархҳоро ба омилҳои гуногун рабт дод, аз ҷумла, ба назари ӯ авзоъи беруна пас аз хуруҷи коронавирус, маҳдудиятҳо дар ҳамлу нақл, коҳиш ёфтани таъминоти баъзе намудҳои хӯроквории асосӣ ва инчунин шойиоти беасос дар мавриди бемории коронавирус ва ғайра аз омилҳои гароншавии маҳсулот дар Тоҷикистон мебошад.

Аммо ба гуфтаи соҳибкорон, сабаби якбора болоравии нархҳо коҳиши қурби сомонӣ дар баробари доллари амрикоӣ мебошад, ки тавассути он воридот амалӣ мешавад.

Дар моҳҳои охир сокинон аз болоравии шадиди нархи маводи ғизоӣ дар Тоҷикистон нигаронӣ мекунанд. Онҳо мегӯянд, ки даромадашон дар давраи пандемия коҳиш ёфт ва илова бар он нархи маҳсулот хеле боло рафт, ки зиндагиро барояшон душвор кардааст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Русия ба Тоҷикистон муаллиму китобҳои забони рус мефиристад

Русия махсус барои Тоҷикистон омӯзгорони забони русӣ ва дигар...

Мухолифони Толибон дар Душанбе ҷамъ омаданд

Нишасти 11-уми "Гуфтумони амниятии Ҳирот" бо меҳварияти масоили Афғонистон дар шаҳри Душанбе ба кори худ оғоз кард.

Поёни оташбаси муваққат дар Ғазза ва хостори тамдиди он

Имрӯз, 27-уми ноябр рӯзи охирини оташбаси 4-рӯзаи байни Исроил ва ҲАМОС аст. Эҳтимол меравад он то чанд рӯзи дигар тамдид шавад.

Таҷаммуи эътирозӣ дар Олмон барои озодии Абдуллоҳи Шамсиддин

Гурӯҳе аз ҳамкорони Абдуллоҳи Шамсиддин, писари Шамсиддини Саид, узви аршади ҲНИТ рӯзи 23-уми ноябр бори дигар дар Олмон барои талаби раҳоии ӯ гирдиҳамоӣ карданд.