27.9 C
Dushanbe

Раисӣ Раҳмонро ба Эрон даъват кард

Сироҷиддин Муҳриддин ва Ҳусейн Амир Абдуллоҳиён, вазирони корҳои хориҷаи Тоҷикистону Эрон дар як суҳбати телефонӣ мавзӯъҳоеро, ки дар нишасти Созмони ҳамкориҳои исломӣ матраҳ хоҳанд кард, баррасӣ кардаанд. Ин нишаст имрӯз, 22-юми март дар Исломобод, пойтахти Покистон баргузор мешавад.

Бино ба иттилои Вазорати корҳои хориҷаи Эрон, Ҳусейн Амир Абдуллоҳиён дар ин суҳбат аз номи раисиҷумҳури кишвараш Иброҳим Раисӣ, Президенти Тоҷикистон Эмомалӣ Раҳмонро бори дигар ба Эрон даъват кардааст. Қаблан ҷониби Эрон, Раҳмонро ба Теҳрон даъват карда буд.

Эмомалӣ Раҳмон дар гузашта пайваста ба Эрон сафар мекард, аммо дар давраи раёсатҷумҳурии Ҳасани Рӯҳонӣ аз соли 2013 то 2021 Раҳмон боре ҳам ба Эрон сафар накардааст.

Тира шудани муносибатҳои Тоҷикистону Эрон аз зиндонӣ шудани Бобаки Занҷонӣ шурӯъ шуда буд, аммо бо бастани Ҳизби наҳзати исломии Тоҷикистон ин муносибатҳо тиратар гашт.

Пас аз шаш соли таниш, равобити Душанбеву Теҳрон дубора гарм шуд. Моҳи сентябри соли гузашта раисиҷумҳури Эрон Иброҳим Раисӣ барои ширкат дар нишасти сарони Созмони ҳамкориҳои Шонхой вориди Душанбе шуда ва гуфта буд, ки ин “оғози як саҳифаи нав дар равобити ду кишвар аст”.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Қазоқистон беш аз 310 ҳазор қурбонии сиёсиро сафед кард

Қазиқистон ҳам мисли хеле дигар аз кишварҳои собиқ Иттиҳоди Ҷамоҳири Шӯравӣ қурбониёни сиёсии даврони столниашро сафед кард, Тоҷикистон чӣ?

HRW дар нома ба Байден аз нақзи ҳуқуқи башар дар кишварҳои Осиёи Марказӣ гуфт

Дидбони Ҳуқуқи Башар (HRW) бо нашри изҳороте аз Ҷо...

Таҳдид зиндон барои навиштани “Ҷумъа муборак” дар Тоҷикистон

Мақомоти Тоҷикистон аз ин ба баъд ирсоли паёмаки "Ҷумъа муборак"-ро дар Тоҷикистон ҷурм дониста, барои он то ҷарима ва ҳатто ҳабсро пешбинӣ кардаанд.

Сохти беш аз 100 дидбонгоҳи марзии ҷадид

Толибон дар марз байни Афғонистон ва кишварҳои ҳамсояи он зиёда аз 100 дидбонгоҳи марзии нав сохтанд.