32.9 C
Dushanbe

Раиси “Тоҷпронбонк”-ро бо 4 моддаи ҷиноятӣ гунаҳкор донистанд

Суди ноҳияи Синои шаҳри Душанбе Ҷамшед Зиёев роҳбари собиқ “Тоҷпронбонк”- ро ба 8,5 соли зиндон маҳкум кардааст.

Наздикони Ҷамшед Зиёев ба шарти бурда нашудани номашон ба “Азия-Плюс” гуфтаанд:

“Парвандаи Ҷамшед Зиёев аз рӯи чор моддаи Кодекси ҷиноятии Тоҷикистон – 245 (Азонихудкунӣ ё исрофкорӣ), 247 (Қаллобӣ), 340 (Сохтакорӣ, тайёр кардан ё ба соҳибияти каси дигар додани ҳуҷҷат, мукофоти давлатӣ, муҳр ва бланкаҳои қалбакӣ) ва 295 (Суиистифодаи ваколат аз ҷониби кормандони ташкилотҳои тиҷоратӣ ва дигар ташкилотҳо) мавриди тафтиш қарор гирифтааст.”

Дар идома гуфта шудааст, ки ҳукми суд аввали моҳи декабр эълон гардида буд, лекин мақомоти судӣ дар ин бора хабар намедиҳанд.

“Азия-Плюс” навиштааст, ки дар суди ноҳияи Сино мурофиаҳо ҳамон ҷо баргузор гардидааст, ба суоли хабарнигор дар ин маврид ҷавоби рад додаанд.

Ҷамшед Зиёев 24 апрели соли 2018 боздошт ва 16 май ба боздоштгоҳи муваққатӣ (СИЗО) гузаронида шуда буд. Моҳи феврали соли 2018 аз ҷониби Бонки миллии Тоҷикистон Иҷозатномаи “Тоҷпромбонк” барои анҷоми фаъолияти бонкӣ бекор карда шуд.

Он вақт сабаби ин амалро аз уҳдаи иҷрои хизматрасонӣ ба мизоҷон набаромадани бонк унвон карда буданд.

Ҳамчунин Ҷамшед Зиёев соли 2019, 100 млн сомонӣ (ҳудуди 10 млн доллар)-ро бо амвол баргардонида буд.

Дар он вақт гуфта мешуд, ки ин маблағҳо барои пардохти қарзҳо ба амонатгузорон равона гардидааст. Вале он маблағҳо куҷо рафтаанд, маълум нест.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Латтукӯби муҳоҷирон ва ба маконҳои номаълум бурдани онҳо идома дорад

Чанд рӯзи ахир боздошт ва латтукӯби муҳоҷирон, бахусус муҳоҷирони тоҷик аз ҷониби нерӯҳои амниятӣ ва интизомии Русия бештар шудааст.

Рафту омад дар роҳи Душанбе-Хуҷанд маҳдуд шуд

Шуруъ аз имрӯз, 1-уми июни соли ҷорӣ дар шоҳроҳи Душанбе-Чаноқ барои рафту омади мошинҳо маҳдудият ҷорӣ шудааст.

Эълони ҳукми зиндони сарбозоне, ки наваскаронро латтукӯб карданд

Чанд сарбозе, ки дар як навор навсакаронро бераҳмона латтукӯб мекарданд, ҳамаи онҳо равонаи зиндон шуданд.

Сафорат боздошти муҳоҷирон дар Митиноро шарҳ дод

Сафорати Тоҷикистон дар Маскав рӯзи 30-уми майи соли ҷорӣ пас аз боздошти беш аз 150 муҳоҷири корӣ, ки дар расонаҳои дохилӣ ва хориҷӣ бозтоби густарда ёфт, шарҳ дод.