32.9 C
Dushanbe

Раҳмон ба Қазоқистон меравад

Президенти Тоҷикистон бо сафари расмӣ барои ширкат дар се нишасти минтақавӣ дар раъси ҳайате ба шаҳри Остонаи Қазоқистон меравад.

Имрӯз, 11-уми октябри соли 2022, Хадамоти матбуоти Тоҷикистон иттилоъ дод, ки Эмомалӣ Раҳмон пагоҳ, 12-уми октябри соли 2022 дар раъси як ҳайати баландпоя барои ширкат ба ҷаласаи сарони кишварҳои Иттиҳоди Давлатҳои Мустақил (ИДМ) озими Қазиқистон хоҳад шуд.

Ба қавли манбаъ, Президенти Тоҷикистон 12-уми октябри соли ҷорӣ дар шаҳри Остона нахуст дар ҷаласаи сарони кишварҳои узви “Машварати ҳамкорӣ ва чораҳои боварӣ дар Осиё” иштирок мекунад.

Инчунин дар ҳошияи ин сафарҳои дурӯзаи сарони кишварҳои Иттиҳоди Давлатҳои Мустақил нишасти раҳбарони кишварҳои Осиёи Марказӣ ва Русия низ дар пойтахти Қазоқистон баргузор мегардад.

Гуфта мешавад, 4 рӯз пеш аз ин низ сарони кишварҳои Иттиҳоди Давлатҳои Мустақил ба баҳонаи баргузории як ҷаласаи ғайрирасмии худ ба Маскав рафта, Владимир Путинро ба зодрӯзаш табрик карда буданд. Дар ин сафар Эмомалӣ Раҳмон ба муносибати зодрӯзи Президенти Русия ба ӯ тарбузу харбӯза ва каду туҳфа кард.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Мишустин аз густариши ҳамкориҳои Русия бо Тоҷикистон гуфт

Михаил Мишустин, сарвазири Русия дар суҳбат бо ҳамтои тоҷикаш...

Трамп расман ба даст доштан дар ҷинояти нав муттаҳам шуд

Доналд Трамп, собиқ раисҷумҳури Амрико аз сӯи Вазорати додгустарии ин кишвар дар парвандаи нигаҳдории асноди маҳрамонаи давлатӣ пас аз поёни давраи президентияш муттаҳам мешавад.

Мулоқоти сафири Тоҷикистон бо Додситони кулли Туркия

Ашрафҷон Гулов, домоди Эмомалӣ Раҳмон ва сафири Тоҷикистон дар Туркия, 8-уми июни соли ҷорӣ бо Додситони кулли Туркия Бекир Шоҳин мулоқот карда, ба густариши ҳамкориҳо таъкид кард.

Ифтитоҳи бузургтарин масҷиди Осиёи Марказӣ дар Тоҷикистон

Бузургтарин масҷиди Осиёи Марказӣ бо ҳузури Амири давлати Қатар Шайх Тамим ибни Ҳамад Оли Сонӣ ва Эмомалӣ Раҳмон, Президенти Тоҷикистон дар шаҳри Душанбе мавриди баҳрабардорӣ қарор гирифт.