-4.6 C
Dushanbe

Раҳоии 80 зиндонии хатарноки Толибон дар Афғонистон

Акс аз сомонаи www.outlookindia.com

Дафтари Шӯрои амнияти миллии Афғонистон бо нашри як изҳорот имруз 14 август эълом кард, ки 80 зиндонии хатарноки Толибон аз зиндони Пули Чархии Кобул тибқи Созишномаи Луяи Ҷаргаи сулҳ ва бо дастури раисҷумҳури ин кишвар Ашраф Ғанӣ озод карда шуданд.

Дафтари Шӯрои амнияти миллии Афғонистон гуфт, маҳбусони раҳошуда қасам хӯрдаанд, ки зиндагии осоиштаро интихоб мекунанд ва бар зидди мардуми афғон ҷанг нахоҳанд кард.

Ба гуфтаи ин ниҳод, барои расидан ба сулҳу осоиштагии доимӣ ва пойдор зарур аст, ки тарафҳои дигар низ мутобиқи тавофуқоти ҳосилшуда масъулиятҳои худро иҷро кунанд ва аз ин фурсати пешомада дуруст истифода барданд.

Ҳукумати Афғонистон изҳор дошт, ки маҳбусон бо мақсади эҷоди ҳусни тафоҳум ва эътимод ба музокирот бо Гурӯҳи Толибон раҳо мешаванд ва бо озод шудани 400 маҳбуси дигари Толибон баҳонаи ин гурӯҳ дар таъхири оғози музокироти сулҳи байниафғонӣ бартараф хоҳад шуд.

Дар навбати худ Гурӯҳи Толибон низ ваъда додаанд, ки пас аз озод шудани аъзоёни гурӯҳ гуфтугӯи мустақим бо ҳукумати Афғонистонро оғоз мекунанд.

Ёдрас мекунем, ки чандест дар Ҷумҳурии исломии Афғонистон бо ташаббуси Амрико ва қувваҳои минтақа бо ҳадафи таъмини сулҳ раванди музокироти байни Толибон ва ҳукумати ин кишвар идома дорад. Яке аз шартҳои асосии Толибон барои ризоият ба идомаи музокирот ин раҳоии зиндониёни ин гурӯҳ буд, ки айни ҳол бо дастури Ашраф Ғанӣ иддае аз онҳо раҳо шуд ва ҳаминтавр қарор аст 400 тан аъзоёни Толибон аз зиндонҳои Афғонистон раҳо шаванд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Марги як шаҳрванди Тоҷикистон дар Олмон

Як муҳоҷири 45-солаи шаҳрванди Тоҷикистон, ки дар Олмон кору зиндагӣ мекард, аз дунё даргузаштааст.

Шаҳбоз Шариф дубора Нахуствазир шуд

Шаҳбоз Шариф, бародари Муҳаммад Навоз Шариф дубора Нахуствазири Покистон интихоб шуд.

Боз 3 кӯдаки дигар аз дуди оташ заҳролуд шуда, ҷон бохтанд

Рӯзи 2-уми марти соли ҷорӣ 3 кӯдаки ноболиғ дар шаҳри Душанбе бар асари оташ гирифтани хона ҷон бохтанд.

Муфтиёти Тоҷикистон оғози моҳи Рамазонро эълон кард

Шӯрои улами Маркази исломии Тоҷикистон дар ҳамкорӣ бо Институти Астрофизикаи Академияи миллии илмҳои Тоҷикистон оғози моҳи Рамазонро муайян карданд.