21.9 C
Dushanbe

Раҳоии боздоштшудаҳои маросими “Хоруғ-2012” дар Маскав

Қариб ҳамаи зодагони Вилояти Мухтори Кӯҳистони Бадахшон (ВМКБ), ки шоми 24-июл аз тарафи полиси ОМОН ба хотири баргузории маросими қурбониёни ҳодисаҳои Хоруғ-2012 дар тарабхонаи назди метрои Черкизовская боздошт шуда буданд, озод шуданд.

Сомонаи хабарии Бомдод дар истинод ба манобеи худ иттилоъ дод, ҳоло дар шӯъбаҳои пулис танҳо чанд нафар боқӣ мондаанд, ки дар ҳуҷҷатҳояшон мушкил доранд.

«Ҳангоми санҷиш дар маркази иттилоотии полиси Маскав ҳуҷҷатҳои онҳо бо сабабҳои мухталиф дар байни хориҷиёни расман ба қайд гирифташуда набуданд. Шояд ин мушкили техникии маркази иттилоотии полис бошад. Вале ҳама боқимондаро бо адвокатҳои фиристодаи ҳимоятгари маъруфи зодаи Бадахшон дар Маскав Меҳмоншо Меҳмоншоев озод карданд», – гуфт мусоҳиби Бомдод.

«Дар ошёнаи якум зиёда аз 100 нафар дар шоми ёдбуди қурбониёни Хоруғ-2021 иштирок доштанд. Ва дар ошёнаи дуюм, ки ҳамватанони мо онро ба чид табдил доданд (хонаи помирӣ), як духтари волонтёр зодрӯзи худро ҷашн мегирифт, ки онҷо тақрибан 50-60 меҳмони дигар буд.

Шом тақрибан соати 20 оғоз ёфт ва соати 21 яке аз ҳамватанони мо занг зада гуфт, ки полиси ОМОН зуд ба наздамон хоҳад омад ва беҳтар аст, ки аз ин бино берун равем. Аммо масъулони ин чорабинӣ ҳамаро таскин доданд, ки ҳатто агар ОМОН омада бошад ҳам, мо ягон кори ғайриқонунӣ накардаем, онҳо тафтиш карда баромада мераванд.

Мардум ором шуд ва пас аз 10-15 дақиқа полисҳо омада онҳое, ки дар шоми ёдбуд иштирок доштанд ва онҳое, ки зодрӯзро дар болохона таҷлил мекарданд ҳамаро бурданд”, мегӯяд ҳамсуҳбати Бомдод.

Инчунин ӯ гуфт, ҳангоми боздошт полис онҳоро дар бораи занозании охири гурӯҳии муҳоҷирон аз Тоҷикистон ва Қирғизистон бозпурсӣ кардааст.

Гуфта мешавад, пас аз ҳодисаи задухӯрди муҳоҷирон, ки шаби 12 июл дар назди метрои Кузьминкии Маскав ба вуқӯъ пайваст, мақомоти Русия пайваста рейдҳои доимӣ мегузаронанд ва ин боиси боздошти густурдаи муҳоҷирон аз кишварҳои Осиёи Марказӣ шуда аст.

Ёдовар мешавем, ки шоми 24-уми июн дар тарабахонаи минтақаи метрои Черкизовскии Маскав, ки дар онҷо маросими ёдбуди қурбониёни ҳодисаҳои “Хоруғ-2012″ баргузор мешуд, мақомоти Русия беш аз 100 нафар иштирокчиёни ин маросимро боздошт карданд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Тоҷикистон: 8 миллиард барои обу ҳаво

Кумитаи ҳифзи муҳити зисти Тоҷикистон ва Бонки Осиёии Рушд...

Боздошти Шокирҷон Ҳакимов, муовини раиси ҲСДТ

Шокирҷон Ҳакимов, муовини якуми раиси Ҳизби сотсиал-демократи Тоҷикисон аз...

Боздошти марди 59-солаи тоҷикистонӣ дар Олмон ба иттиҳоми қатли ҳамсар

Мақомоти олмонӣ як марди 59-солаи тоҷикистониро бо иттиҳоми қатли ҳамсараш боздошт кардаанд.

Баъди латукӯби сарбоз раиси суди ноҳияи Шамсиддин Шоҳин аз вазифа барканор шуд

Раиси суди ноҳияи Шамсиддин Шоҳини вилояти Хатлон, ки як сарбозро латукӯб карда буд, аз вазифа барканор шуд.