-1.1 C
Dushanbe

Рамзӣ Вазирбеков ба 13 соли зиндон маҳкум шуд

Додгоҳ Рамзӣ Вазирбеков фаъол ва зодаи Бадахшонро барои 13 сол равонаи зиндон кард. Дар ин бора Радиои Озодӣ дар истинод ба пайвандони ӯ хабар дод.

Гуфта мешавад мурофиаи додгоҳии Рамзӣ Вазирбеков рӯзи 5-уми ноябр дар боздоштгоҳ пушти дарҳои баста баргузор шуда, додгоҳ ӯро бар асоси ду моддаи КҶТ “иштирок дар иттиҳоди ҷиноӣ” (187, қисми 2) ва “даъвати оммавӣ барои бо зӯрӣ гирифтани ҳокимият ё тағйир додани сохти конститутсионӣ дар Интернет” (307, қисми 2) гунаҳкор донистааст.

Аммо пайвандони ин фаъол ба Радиои Озодӣ гуфтаанд, ки “дар мурофиаи охир, ҳангоме ки ҳукм эълон мешуд, Рамзӣ Вазирбеков ҳамаи иттиҳомҳоро рад карда, ҷурмҳоро беасос донистааст. Аз ин бештар чизе намедонем”.

Ҷузъиёти бештар аз мурофиа дастраси расонаҳо нест ва мақомот низ ин ҳукмро то ҳол шарҳ надодааст.

Рамзӣ Вазирбеков, ки дар шабакаҳои иҷтимоӣ аз нақзи ҳуқуқи башар дар Тоҷикистон ошкоро интиқод мекард. Ӯ охирҳои моҳи июли соли ҷорӣ ҳамроҳи фаъоли дигари зодаи Бадахшон Ораз Вазирбеков аз Маскав рабуда шуда буд.

Онҳо дар наворе, ки тавассути саҳифаҳои наздик ба мақомот нашру паҳн шуд, гуфтанд, ки ихтиёрӣ ба кишвар баргаштаанд, то дар бораи ҳодисаҳои Бадахшон баёнот бидиҳанд. Ин дар ҳолест, ки пештар дар наворҳои ҷудогона гуфта буданд, ки агар ногаҳон дар Тоҷикистон пайдо шуданд, сафарашон ихтиёрӣ нест, балки онҳоро рабудаанд.

Рамзӣ ва Ораз Вазирбековҳо шаҳрвандии Русияро доранд ва пеш аз боздошташон ба мақомоти ин кишвар муроҷиат карда буданд, ки ҷони онҳо дар хатар аст ва эҳтимоли дуздидану ба Тоҷикистон бурданашон вуҷуд дорад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Толибон: Аҳмади Масъуд бо Иморати исломӣ байъат кардааст

Толибон мегӯянд, ки Аҳмади Масъуд, раҳбари ҷабҳаи муқовимати миллии Афғонистон бо Иморати исломӣ байъат кардааст.

Тасдиқи бемории Мамадшоева дар зиндон

Улфатхоним Мамадшоева, рӯзноманигор ва фаъоли зодаи Вилояти Мухтори Кӯҳистони Бадахшон дар зиндон аз фишорбаландӣ азият мекашад.

Бобаки Занҷонӣ баъди 10 сол озод мешавад

Бобаки Занҷонӣ, миллардер ва тоҷири шинохтаи эронӣ, ки бо иттиҳоми напардохтани беш аз 2 миллиард евро дар Теҳрон боздошт ва зиндонӣ шуда буд, озод хоҳад шуд.

Раиси Додгоҳи ноҳияи Ҷаббор Расулов бо кадом ҷурм зиндонӣ шуд?

Агентии зидди фасоди Тоҷикистон мегӯяед, раиси Додгоҳи ноҳияи Ҷаббор Расулов бо иттиҳоми гиирфтнаи пора дар ҳаҷми калон боздошт ва равонаи зиндон шуд.