18.9 C
Dushanbe

Раҷаби Мирзо: “Ҳар рӯзи дар зиндон буданатон ҷабр аст”

Раҷаби Мирзо, рӯзноманигор ва фаъоли ҷомеаи шаҳрвандии Тоҷикистон ба зиндонӣ шудани рӯзноманигорон вокуниш карда, мегӯяд, ки тасмими муқомот дар бораи боздошти онҳо дуруст набуд.

Ин рӯзноманигори шинохтаи тоҷик ба муносибати зодрӯзи рӯзноманигорони зиндонӣ Абдусаттор Пирмуҳаммадзода ва Завқибек Саидаминӣ дар саҳифаи фейсбукияш навишта, ки “То ҳол ҳич мақому мақомдоре ҷомеаро мутмаин карда натавонист, ки ин тасмимашон дуруст буд.”

Ӯ ҳамчунин меафзояд: “Дар доираҳои фикрӣ дар бораи ин қазияҳо хулосаи худро доранд: ин як майлон, як ҷараён аст, ки рамзан онро мешавад “мабодо…” унвон кард. Он тамом шудааст, ё не, номаълум…”

Ин фаъоли мадании тоҷик ҳамчунин дар пуштибонӣ аз рӯзноманигорони боздоштшуда мегӯяд, ки “Ҳар рӯзи дар зиндон буданатон ҷабр аст“.

Ёдовар мешавем, ки имрӯз 28-уми ноябр Абдусаттор Пирмуҳаммадзода ва Завқибек Саидаминӣ, ду рӯзноманигори зиндонӣ зодрӯз доранд. Мақомот онҳоро тобистони соли ҷорӣ бо баҳонаҳои сохта боздошт кард. Аввали моҳи ноябри соли ҷорӣ мақомот Завқибек Саидаминиро барои 7 сол аз озодӣ маҳрум кард, вале то ҳол парвандаи Пирмуҳаммадзода ниҳоӣ нашуда ва ҳукмаш низ эълон нагардидааст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Даргузашти генерал Ғайрат Адҳамов

Генерал Ғайрат Адҳамов, яке аз собиқ қумандонҳои мухолифини ҳукумати Эмомалӣ вафот кард.

Шикасти Инглистон дар муқобили Испониё

Мунтахаби миллии футболи Испониё дар муқобили тими миллии Инглистон пирӯз шуд.

Раиси Ҳизби сотсиалистиро ҳам аз вазифа барканор кардан мехоҳанд

Мақомоти болоии Ҳибзи сотсиалистии Тоҷикистон гуфтаанд, ки дар Анҷумани...

Эълони мукофотҳо барои иштирокчиёни бозиҳои олимпӣ

Дар бозиҳои тобистонаи олимпӣ-2024 дар шаҳри Парижи Фаронса 14...