-3.1 C
Dushanbe

Роғун: Азхудкунии зиёда аз 2,5 миллион сомонӣ дар 3 боғча

Оҷонсии зиди фасоди Тоҷикистон мегӯяд, ки як тафтиши онҳо дар шаҳри Роғун муайян карда, ки дар се боғча беш аз 2,5 миллион сомонӣ аз худ карда шудааст.

Бино ба иттилои сомонаи Агентии назорати давлатии молиявӣ ва мубориза бо коррупсияи Тоҷикистон “тафтишу санҷишҳои молиявии Агентӣ барои солҳои 2021-2022 филиали Бонки давлатии амонатгузории Ҷумҳурии  Тоҷикистон «Амонатбонк» дар шаҳри Роғун мавриди санҷиши молиявӣ қарор дода шуд.”

Ба қавли манбаъ, дар рафти ин тафтишу “санҷишҳои мутақобила дар Муассисаҳои боғчаи бачагонаи №1, №20 ва №21 шаҳри Роғун муайян карда шуд, ки аз ҳисоби фонди музди меҳнати кормандон зиёда аз 2,5 млн сомонӣ тассаруф карда шудааст.”

Оҷонсии зидди фасоди кишвар мегӯяд, пас аз ошкор шудани тасарруфоти ғайриқонунӣ дар буҷети давлатӣ аз ҷониби масъулони боғчаҳои мазкур, санадҳои лозима тартиб дода шуда, ба сохторҳои дахлдори Оҷонсӣ пешниҳод гардидааст.

Аммо Оҷонсӣ ном ва ё мансаби он нафароне, ки ба дуздии буҷети давлатӣ даст задаанд, зикр накардааст. Ҳамчунин маълум нест чанд нафар барои азхудкунии маблағи буҷет боздошт шудааст.

Дар ҳамин ҳол ба назари бархе коршиносон, азхудкунии пули буҷети давлатӣ аз ҷониби масъулон ва кормандони молиявии идораву вазоратҳо дар Тоҷикистон ба як амри маъмулӣ табдил шудааст. Агар Оҷонсии зидди фасод боздошт кард, дар дохил боз онҳо метавонанд бо пардохти пули бештар аз ҷавобгарии ҷиноятӣ худро озод кунанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Аз Насимҷон Шарифов то ҳол хабаре нест

Бо гузашти се рӯз аз Насимҷон Шарифов, намояндаи Ҳаракати...

Мудири шуъбаи “Қаряи Боло” боздошт шуд

Мудири шуъбаи беморхонаи "Қаряи Боло"-и пойтахт бо иттиҳом даст доштан дар тасарруфи беш аз 70 ҳазор сомонӣ боздошт шудааст.

Як сарбози амрикоӣ дар назди сафорати Исроил худро оташ зад

Рӯзи якшанбе, 25-уми феврали соли ҷорӣ як сарбози нерӯҳои ҳавоии Амрико дар назди сафорати Исроил дар Вашингтон худро оташ зад.

Музокироти пинҳонии Тоҷикистон бо Толибон

Мақомоти Тоҷикистон бо намояндаҳои Толибон ба сурати пинҳонӣ дар шаҳри Душанбе мулоқот кардаанд.