Муҳоҷират

Русия: Ҷон бохтани 3 муҳоҷири тоҷик дар як садамаи нақлиётӣ

Субҳи имрӯз бар асари як садамаи нақлиётӣ дар ҳудуди шаҳри Сизрани Русия се шаҳрванди Тоҷикистон ҷони худро аз дода ва як мусофири дигар ҷароҳат бардоштааст.

Каримҷон Ёров, ҳуқуқшиноси шинохтаи тоҷики муқими Русия бо нашри чанд аксе дар саҳфаи фейсбукиаш аз маҳалли ҳодиса хабар додааст, ки дар шоҳроҳи М5 дар 925 км наздикҳои шаҳри Сизран шаҳрвандони Тоҷикистон ба садама дучор шуданд.

Каримҷон Ёров мегӯяд, чор нафар шаҳрвандони Тоҷикистон, ки дучори садамаи маргбор гардидаанд, "Очилдиев Холбой Файзуллоевич (соли таваллудаш 2002) ноҳияи Носири Хусрав, Шукуров Садирдин Ёрибекович (соли таваллудаш 1977) ноҳияи Шаҳритус, Зиёдалиев Аббосҷон Мақсудович (соли таваллудаш 2002) ноҳияи Носири Хусрав ва Сангаков Садурдин Наҷмудинович (соли таваллудаш 2002) ноҳияи Рашт, ном бурдааст.

Дар аксҳои нашршуда дида мешавад, ки мошини сабукрави муҳоҷирони тоҷикистонӣ, ки тамғаи KIA мебошад, ҳангоми ҳаракат дар роҳ бо суръати баланд ба як мошини рӯбарӯи тамғаи MAN бархӯрдааст ва ба гуфтаи ҳуқуқшиноси тоҷик, се нафар аз ин муҳоҷирони тоҷикистонӣ дар ҷои ҳодиса ҷони худро аз даст доданд ва як нафари дигарашон маҷруҳ шудааст.

Гуфта мешавад, наздик ба 2,5 миллион нафар аз шаҳрвандони Тоҷикистон ба Русия сафар кардаанд, ки баъзе ба муҳоҷирти меҳнатӣ, баъзе дигар ба тиҷират, донишомӯзӣ ва дигар корҳо машғуланд. Тибқи оморҳои расмӣ, солона ҳудуди 1000 тобут ба кишвар фиристода мешавад.

Хонандагони азиз, лутфан, ҳар хабару гузоришеро, ки мушоҳида мекунед ва ё пешниҳоду суоле доред, метавонед онро ба мо, тариқи почтаи электронӣ, Telegram, WhatsApp, Viber ва Imo ба ин рақам:

Матолиби дигари Муҳоҷират

Муҳоҷират

Ду интихоб барои муҳоҷирон: Ё ҷанг дар Украина ва ё истирдод ба Тоҷикистон

Тоҷикистон

Эътирози тоҷикон дар назди сафорати Қирғизистон дар Олмон

Муҳоҷират

Ҳушдори сафорат ба шаҳрвандон: Ба ҷанг наравед!

Муҳоҷират

Як тоҷикбачаи ронандаи таксӣ дар Маскав кушта шуд