23.9 C
Dushanbe

Русия дар Тоҷикистон бо маблағи 30 млн $ мактабҳои русӣ месозад

Ҳукумати Русия дар Ҷумҳурии Тоҷикистон панҷ мактаби русӣ месозад ва сохтмони ин мактабҳоро дар семоҳаи дуввуми соли ҷорӣ оғоз хоҳад кард.

Ин қарор дар сафари ахири ҳайати Тоҷикистон ба Маскав, ки рӯзҳои 8-10 феврали соли ҷорӣ сурат гирифт ва вазири маориф ва илми Тоҷикистон Муҳаммадюсуф Имомзода дар ин ҳайат ҳузур дошт, гирифта шуд.

Дар ин рӯзҳо дар Маскав ҷаласаи навбатии Комиссияи байниҳукуматии Тоҷикистону Русия оид ба ҳамкориҳои иқтисодӣ ва илмӣ-техникӣ баргузор гардид.

Тавре ба хабаргузории “Авесто” аз маркази матбуотии Вазорати маориф ва илми Ҷумҳурии Тоҷористон хабар доданд, Муҳаммадюсуф Иммомзода дар Маскав бо вазири маорифи Федератсияи Русия Сергей Кравтсов мулоқот кард.

Ҳангоми мулоқот ҷонибҳо ба мувофиқа расиданд, ки сохтмони мактабҳои русӣ дар панҷ шаҳри Тоҷикистон бо маблағгузории ҳукумати Русия дар семоҳаи дуввуми соли равон оғоз хоҳад ёфт.

Ёдовар мешавем, ки Созишномаи байниҳукуматӣ ба мӯҳлати панҷ сол дар шаҳри Маскав, 17 апрели соли 2019 ба имзо расид. Сохтмони мактабҳо бояд марҳила ба марҳила дар шаҳрҳои Душанбе, Кӯлоб, Хуҷанд, Бохтар ва Турсунзода дар қитъаҳои замини ҷудошуда сурат бигирад.

Гуфта мешавад, таълим дар ин мактабҳо тибқи стандартҳои таълими Русия сурат мегирад.

Дар охири соли 2020 сарвазири Русия Михаил Мишустин фармон дар бораи ҷудо кардани 30 миллион доллар барои сохтмони панҷ мактаб дар Тоҷикистонро ба имзо расонида буд.

Тибқи ин санад, маблағҳои ҷудокардаи ҳукумати Русия дар давоми солҳои 2020-2021 марҳила ба марҳила ба Душанбе фиристода мешаванд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Тоҷикистон: 8 миллиард барои обу ҳаво

Кумитаи ҳифзи муҳити зисти Тоҷикистон ва Бонки Осиёии Рушд...

Боздошти Шокирҷон Ҳакимов, муовини раиси ҲСДТ

Шокирҷон Ҳакимов, муовини якуми раиси Ҳизби сотсиал-демократи Тоҷикисон аз...

Боздошти марди 59-солаи тоҷикистонӣ дар Олмон ба иттиҳоми қатли ҳамсар

Мақомоти олмонӣ як марди 59-солаи тоҷикистониро бо иттиҳоми қатли ҳамсараш боздошт кардаанд.

Баъди латукӯби сарбоз раиси суди ноҳияи Шамсиддин Шоҳин аз вазифа барканор шуд

Раиси суди ноҳияи Шамсиддин Шоҳини вилояти Хатлон, ки як сарбозро латукӯб карда буд, аз вазифа барканор шуд.