Россия

Русия дархости 100 ҳазор муҳоҷирро рад кард

Шӯъбаҳои муҳоҷирати вазорати корҳои дохилии Русия вуруди наздик ба 100 ҳазор муҳоҷири корӣ ба Федератсияи Русияро рад кардаанд.

Дар давоми нимсолаи аввали соли ҷорӣ кормандони шӯъбаҳои Вазорати корҳои дохилии Русия оид ба масъалаҳои муҳоҷират иҷозати вуруди ҳудуди 100 ҳазор шаҳрванди хориҷиро рад кардаанд. Дар ин бора вебсайти расмии Вазорати корҳои дохилии Русия хабар додааст.

Ба иттилои манбаъ: "Дар моҳҳои январ - июни соли ҷорӣ 98 ҳазору 339 нафар шаҳрванди хориҷӣ ва шахсони бешаҳрванде, ки қаблан ихроҷ шуда буданд, дархости дубора ворид шудан ба Русияро карданд, аммо дархости онҳо аз тарафи ин вазорат рад шудааст."

Илова бар ин, бино ба гузориши ТАСС, Вазорати корҳои дохилии Русия дар нимаи аввали соли 2021 дар бораи ихроҷи 8 ҳазор 600 шаҳрванди хориҷӣ аз Федератсияи Русия қарор қабул кардааст.

"Дар нимаи аввали соли 2021 нисбати зиёда аз 1000 шаҳрванди хориҷи мӯҳлати будубош дар Федератсияи Русия кам карда шуд ва 8,6 ҳазор нафар ба хориҷи кишвар фиристода шуданд", - гуфтанд дар вазорат ба расонаҳо.

Ин ҳам дар ҳолест, ки вақтҳои охир дар минтақаҳои гуногуни ин кишвар зуд-зуд задухурдҳои гурӯҳӣ байни муҳоҷирон сурат мегирад ва иштирокчиёни он аз тарафи мақомоти интизомии Русия боздошту ба ҷавобгарии маъмурӣ кашида мешаванд.

Инчунин қариб ҳамарӯза дар расонаҳои русӣ гузориш мешавад, ки мақомот теъдодеро аз муҳоҷирони тоҷику ӯзбек, қирғизу туркман ва ғайра барои иштирок дар муноқишаҳо ва ё вайрон кардани тартиботи ҷамъиятӣ аз Русия ихроҷ (депортатсия) ва ба муддатҳои то 40-50 сол вуруди онҳоро ба ин кишвар манъ кардаанд.

Хонандагони азиз, лутфан, ҳар хабару гузоришеро, ки мушоҳида мекунед ва ё пешниҳоду суоле доред, метавонед онро ба мо, тариқи почтаи электронӣ, Telegram, WhatsApp, Viber ва Imo ба ин рақам:

Матолиби дигари Россия

Россия

Имтиҳони Вазорати тандурустии Русия аз пизишкони хориҷӣ

Россия

Русия: Таҳияи қонуни нав дар бораи муҳоҷират

Россия

Интихоботи Русия тағйироти ҷиддие ба зиндагонии муҳоҷирон намеорад

Россия

Ҳамла ба донишгоҳи Перм