Муҳоҷират

Русия Созишномаи "таъмини нафақа ба муҳоҷирони меҳнатӣ"-ро бекор мекунад

Думаи давлатии Русия Созишнома дар бораи таъмини ҳуқуқи бознишастагӣ барои шаҳрвандони кишварҳои узви Иттиҳоди давлатҳои мустақил (ИДМ)-ро аз эътибор соқит мекунад.

Акс аз: "depositphotos"

Гуфта мешавад, Русия қасд дорад соли 2023 аз Созишнома дар мавриди кафолати ҳуқуқи шаҳрвандони кишварҳои узви ИДМ дар бораи нафақа хориҷ шавад.

Дар тавзеҳи қарори Думаи давлатӣ гуфта мешавад, ки "дигар ин созишнмоа ба идеология ва принсипҳои бунёдии низоми нафақаи кишварҳои узви ИДМ мувофиқат намекунанд". Ва Русия мехоҳад бо ин қарор маблағҳои буҷетии Хазинаи нафақаи кишварро сарфа кунад.

Созишномаи мазкур байни кишварҳои Русия, Тоҷикистон, Туркманистон, Ӯзбекистон, Арманистон, Беларус, Қазоқистон, Қирғизистон, Молдова ва Украина ба имзо расида буд.

Тибқи ин созишнома шаҳрвандони кишварҳои зикршуда новобаста аз шаҳрвандии кадоми ин кишварҳоро доштан, метавонистанд дар ҷои истиқомати доимӣ ва муддати кори кардаашон аз ҳуқуқи бознишастагӣ баҳравар шаванд.

Ёдовар мешавем, ки "Созишномаи кафолати ҳуқуқи шаҳрвандони кишварҳои ИДМ дар бораи дарёфти ҳуқуқи бознишастагӣ" аз соли 1992 байни кишварҳои ИДМ ба имзо расида буд.

Ба қавли коршиносон, ҷанг дар Украина сабаб шуда, ки Русия ҳазинаи ҳангуфте бипардозад ва инчунин таҳримҳои рӯзафзуни Ғарб ӯро водор сохта, то аз баъзе созишномаҳои молӣ хориҷ шавад ва кумакҳояшро низ кам кунад.

Хонандагони азиз, лутфан, ҳар хабару гузоришеро, ки мушоҳида мекунед ва ё пешниҳоду суоле доред, метавонед онро ба мо, тариқи почтаи электронӣ, Telegram, WhatsApp, Viber ва Imo ба ин рақам:

Матолиби дигари Муҳоҷират

Ҳуқуқ

Русия: ғайб задани Эмомалӣ Холов аз боздоштгоҳ

Ҳуқуқ

Боздошти як ҳамкори Иззат Амон дар Русия

Муҳоҷират

Муҳоҷири тоҷик барои пешниҳоди пора равонаи зиндон шуд

Муҳоҷират

Муҳоҷирони меҳнатӣ бояд имтиҳони забони русиро даҳонӣ супоранд