35.9 C
Dushanbe

Русия: маъоши баланд хоҳед, теъдоди муҳоҷиронро камтар кунед!

Барои бартараф кардани мушкилоти музди паст дар кишвар квотаҳои ҷалби муҳоҷирони корӣ кам карда шавад.

Виктор Линник (Сурат: РБК)

Виктор Линник, раиси ширкати “Мираторг” дар мусоҳиба бо шабакаи телевизионии РБК-и русӣ аз зиёд шудани муҳоҷирони корӣ дар Русия ва маъоши паст ба шаҳрвандони рус изҳори нигаронӣ кард.

Мираторг як ширкати агросаноатӣ ва бузургтарин холдинги муттаҳидшудаи кишоварзӣ дар Русия мебошад, ки он ба истеҳсоли хӯроки чорво, парвариши ҳайвонот ва то коркарди гӯшту фурӯши маҳсулотҳои таёр маъруф аст.

Вай дар ин мусоҳиба, ки рӯзи 4-уми октябр пахш шуд, барои ҳалли ин мушкилот пешниҳод кард, ки барои коҳиш додани коргарони хориҷӣ квота се-чор маротиба кам карда шавад.

“Вақте, ки мо муҳоҷиронро ба кишвар ворид мекунем, мо барои худи шаҳрвандони рус рақобати беадолатона эҷод мекунем”,- гуфт Виктор Линник.

Бино ба гуфтаи ӯ, вақте ба кишвар муҳоҷирони кориро ворид мекунанд, арзиши музди кор коҳиш меёбад. Дар ин ҳолат, русҳо дар як вазъияте қарор мегиранд, ки бо коргарони хориҷӣ рақобат карда наметавонанд ва бо чунин маоши кам ба касбҳои оддӣ талабот кам мегардад.

“Албатта, вақте маош кам аст, кадоме аз фарзандони мо ба кори дуредгарӣ ё хиштчинӣ мераванд?” – афзуд президенти Мираторг.

Ба андешаи ӯ кӯшиши бартараф кардани мушкилот тавассути воридоти муҳоҷирон як хаёли хом аст ва барои аз ин вазъият баромадан “сабабҳои зиёде” мавҷуд ҳастанд. Аз ҷумла бояд иваз кардани коргарони хориҷӣ бо маҳбусонро фикр кард ва инро “ақли солим” меҳисобад.

Ба таъкиди вай: “Агар мо ба рушди холдинг ё саноат аз ҷиҳати стратегӣ назар кунем, набояд масъалаи муҳоҷирон дар мадди аввал бошад.”

Ин ҳам дар ҳолест, ки дар пасманзари маҳдудиятҳои пандемияи коронавирус, мақомоти Русия борҳо дар бораи камбуди муҳоҷирони корӣ ҳарф мезаданд. Аз ҷумла, норасоии қувваи кории хориҷӣ дар соҳаи сохтмон ва инчунин дар соҳаи кишоварзӣ иттилоъ медоданд ва вазъияти пешомадаро як фоҷиа ном мебурданд.

Пештар низ шаҳрдори Маскав, Сергей Собянин дар як мусоҳибааш хуруҷи муҳоҷирони кориро аз Русия яке сабабҳои таваррум дар ин кишвар шудааст номид.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Мишустин аз густариши ҳамкориҳои Русия бо Тоҷикистон гуфт

Михаил Мишустин, сарвазири Русия дар суҳбат бо ҳамтои тоҷикаш...

Трамп расман ба даст доштан дар ҷинояти нав муттаҳам шуд

Доналд Трамп, собиқ раисҷумҳури Амрико аз сӯи Вазорати додгустарии ин кишвар дар парвандаи нигаҳдории асноди маҳрамонаи давлатӣ пас аз поёни давраи президентияш муттаҳам мешавад.

Мулоқоти сафири Тоҷикистон бо Додситони кулли Туркия

Ашрафҷон Гулов, домоди Эмомалӣ Раҳмон ва сафири Тоҷикистон дар Туркия, 8-уми июни соли ҷорӣ бо Додситони кулли Туркия Бекир Шоҳин мулоқот карда, ба густариши ҳамкориҳо таъкид кард.

Ифтитоҳи бузургтарин масҷиди Осиёи Марказӣ дар Тоҷикистон

Бузургтарин масҷиди Осиёи Марказӣ бо ҳузури Амири давлати Қатар Шайх Тамим ибни Ҳамад Оли Сонӣ ва Эмомалӣ Раҳмон, Президенти Тоҷикистон дар шаҳри Душанбе мавриди баҳрабардорӣ қарор гирифт.