Русия мехоҳад имконоти ҳарбӣ ва дифоии худ дар пойгоҳҳои низомиаш, ки дар кишварҳои Осиёи Марказӣ ҷойгир шудаанд, беш аз пеш тақвият бахшад.
Бино ба иттилои расонаҳо, имрӯз, 27-уми апрели соли 2023, Сергей Шойгу, вазири дифои Русия дар нишасти вазирони дифои кишварҳои узви Созмони Ҳамкориҳои Шонгҳой дар Ҳиндустон гуфтааст, ки Маскав омодагиҳои ҷангии худро дар кишварҳои Тоҷикистон ва Қирғизистон афзоиш медиҳад.
Вазири дифои Русия бо муқассир хондани кишварҳои ғарбӣ дар бозсозии Афғонистон гуфтааст, ки муддати 20 сол дар ин кишвар ҷанг карданд, таъкид карда, ки Кремлин дархостҳои он (Иёлоти Муттаҳидаи Амрико)-ро барои боз гардондани ҳузури низомӣ дар минтақа назорат мекунад. Ҷойгир кардани пойгоҳҳои ҳарбӣ (-и ИМА ва дигар кишвраҳои ғарбӣ) ҳамчун таҳдиди мустақим ба субот дар минтақаи Созмони Ҳамкориҳои Шонгҳой дониста мешаванд.
Гуфта мешавад, нишасти вазирони дифои кишварҳои узви Созмони Ҳамкориҳои Шонгҳой (СҲШ) дар Ҳиндустон субҳи имрӯз ба кори худ оғоз кардааст. СҲШ “созмонест байниҳукуматии доимамалкунандаи чандҷониба дар соҳаҳои иқтисод, амният ва фарҳанг, ки бар асоси оинномавии Созмон, ки 7 июни соли 2002 қабулшуда фаъолият мекунад. Забонҳои расмӣ ва кории СҲШ русӣ ва хитоӣ ба ҳисоб мераванд.”
