20.4 C
Dushanbe

Русия сомонаи “Паём.net”-ро дар қаламрави худ баст

Мақомоти Русия дастрасӣ ба сомонаи маъруфи мухолифони ҳукумати Тоҷикистон “Паём.net”-ро дар қаламрави ин кишвар масдуд кард.

Радиои Озодӣ дар истинод ба “Роскомсвобода”, ниҳоде, ки бахши алоқаи Русияро назорат мекунад, навишт, ки ин ниҳод сомонаи “Паём.net”, марбут ба мухолифини тоҷик ва “24.kg”-и Қирғизистонро ба далели нашри матолиб дар мавриди ҷанги Украина бастааст.

Гуфта мешавад, мақомоти Русия ду матлаби “Паём.net”-ро, ки дар мавриди ҷанги Украина навишта шудаанд, ҳамчун далели баста шудани ин сомона дар қаламрави ин кишвар қарор додаанд.

Ба қавли “Роскомнадзор”, яке аз ин матлабҳо дар мавриди басиҷ ё “мобилизатсия”-и зиндониён ба ҷанг дар Украина ва матлаби дигарӣ суханронии Муҳиддин Кабирӣ, раиси Паймони миллии Тоҷикистон дар робита ба ҷонибдорӣ аз Украина дар ин ҷанг будааст.

Мувофиқи иттилои манбаъ, мақомоти Русия қарори бастани сомонаи мухолифини тоҷик, “Паём.net”-ро моҳи ноябри соли 2022 қабул карда будаанд.

Ин хабарҳо дар бораи ҷанги Украина буданд ва дар бораи тирпаронии нерӯҳои Русия, талафоти ғайринизомиён, таҳримҳо алайҳи Маскав ва мобилизатсия нақл мекарданд. Қарор дар бораи бастани ин саҳифаҳо моҳи ноябри соли 2022 қабул шуда, он танҳо 12-уми сентябри имсол иҷро шуд.”, омадааст дар иттилоияи “Роскомсвобода”.

Ин бори аввал нест, ки мақомоти Русия сомонаҳои хабарӣ ва ё саҳифаҳои иҷтимоии касонеро, ки дар мавриди ҷанги Украина менависанду асрори мақомоти низомии рус ва фасодро дар ин кишвар фош мекунанд, мебанданд.

Русия пас аз ҳамлаи бедалали худ ба хоки Украина дар баробари тамоми кишварҳои дунё, ба ҷуз чанд кишвари зери султааш қарор гирифт. Таҳримҳои шадиде аз ҷониби кишварҳои Аврупо ва Амрико болои он ҷорӣ гашт, ки ба иқтисоди ин кишвар таъсири худро расондааст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Бозгашти нахустин гурӯҳи зоирони тоҷик

Нахустини гурӯҳи зоирони тоҷикистонӣ баъд аз анҷоми маросими Ҳаҷ-2024 аз Арабистони Саудӣ ба Ватан баргарштанд.

Нопадид шудани панҷ сокини Язгулом дар фурӯдгоҳи Кӯлоб

Панҷ нафар аз сокинони ноҳияи Язғулом дар фурӯдгоҳи шаҳри Кӯлоб нопадид шудаанд. Дар ин бора хешовандонашон ба расонаҳо дар Тоҷикистон хабар додаанд. 

Ҳамлаи террористӣ дар Доғистон 20 кушта ба ҷо гузошт

Бино ба иттилои Вазорати корҳои дохилии Русия, шаби 23-уми...

Абдусалом Одиназода аз зиндон озод шуд

Абдусалом Одиназода, донишманди тоҷики муқими Австралия баъд аз 3,5 соли зиндон рӯзи 19-уми июн ба озодӣ баромад.