22.9 C
Dushanbe

Русия: Тоҷикистон набояд ба Ғарб наздик шавад

Сергей Лавров зимни боздидаш аз Душанбе дар суханрониҳояш ба мақомоти тоҷик тазаккур дод, ки Русия намехоҳад ҳамкориҳои Тоҷикистону Ғарб бештар шаванд.

Ҳатто ӯ аз мақомоти Тоҷикистон ва кишварҳои Осиёи Марказӣ даъват кард, ки нагузоранд кишварҳои ғарбӣ, ба хусус Амрико барномаҳои кумак барои рушди минтақаро дар ин давлатҳо пиёда кунанд. Ба гуфтаи ӯ, “ин барномаҳо дар асл василаи назорат ва тағйир додани авзои сиёсии минтақа мебошанд.”

Лавров зимни суханронияш дар Донишгоҳи Славиянии Тоҷикистон ба ҳамкориҳои низомии Тоҷикистону кишварҳои ғарбӣ ишора карда, афзуд: “Мо аз дӯстони худ мехоҳем, ки нисбат ба барномаҳои ҳамкории кишварҳои ғарбӣ дар соҳаи низомӣ ва хусусан барномаҳои омӯзишии нерӯҳои интизомӣ бо диди интиқодӣ нигоҳ кунанд.”

Гуфта мешавад, бо вуҷуди ҷиддӣ будани вазъияти муҳоҷирон дар Русия, ки дар ин шабу рӯзҳо зери шиканҷа ва таъқиби шадиди мақомоти интизомии ин кишвар қарор доранд, ин мавзуъ меҳвари гуфтугӯи мақомоти тоҷик бо Сергей Лавров қарор нагирифтааст. Ӯ бештар Тоҷикистонро барои пайвастан ба Иттиҳоди иқтисодии АвруОсиё тарғиб мекард ва аз хатарҳои Ғарбу ДИИШ-и Афғонистон ҳушдор медод.

Ёдовар мешавем, ки дар пасманзари ҳодисаҳои боздошту латтукӯби муҳоҷирони кории тоҷик дар Русия, вазири корҳои хориҷии ин кишвар Сергей Лавров бо сафари ду рӯза (рӯзҳои 5 ва 6-уми июн) ба Тоҷикистон сафар кард ва бо мақомоти баландпояи он дидору гуфтугӯ дошт.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Қазоқистон беш аз 310 ҳазор қурбонии сиёсиро сафед кард

Қазиқистон ҳам мисли хеле дигар аз кишварҳои собиқ Иттиҳоди Ҷамоҳири Шӯравӣ қурбониёни сиёсии даврони столниашро сафед кард, Тоҷикистон чӣ?

HRW дар нома ба Байден аз нақзи ҳуқуқи башар дар кишварҳои Осиёи Марказӣ гуфт

Дидбони Ҳуқуқи Башар (HRW) бо нашри изҳороте аз Ҷо...

Таҳдид зиндон барои навиштани “Ҷумъа муборак” дар Тоҷикистон

Мақомоти Тоҷикистон аз ин ба баъд ирсоли паёмаки "Ҷумъа муборак"-ро дар Тоҷикистон ҷурм дониста, барои он то ҷарима ва ҳатто ҳабсро пешбинӣ кардаанд.

Сохти беш аз 100 дидбонгоҳи марзии ҷадид

Толибон дар марз байни Афғонистон ва кишварҳои ҳамсояи он зиёда аз 100 дидбонгоҳи марзии нав сохтанд.