21.9 C
Dushanbe

Додраси Додгоҳи н. Бобоҷон Ғафуров ба ҳабси пешакӣ гирифта шуд

Рустам Саидаҳмадзода, додраси Додгоҳи ноҳияи Бобоҷон Ғафуров, ки рӯзи 29-уми июн аз ҷониби кормандони Раёсати мубориза бо ҷиноятҳои созмонёфтаи ВКД боздошт шуда буд, ба ду моҳ ҳабси пешакӣ маҳкум шудааст.

Акс аз Радиои Озодӣ 

Радиои Озодӣ дар истинод ба пайвандони Саидаҳмадзода хабар медиҳад, ки мурофиаи ӯ, 1-уми июли соли ҷорӣ дар боздоштгоҳи муваққатии Раёсати корҳои дохилии Душанбе баргузор шуда, ӯро ба “баромадан аз ҳадди ваколатҳои мансабӣ” ва “расондани хабари бардурӯғ” гумонбар кардаанд. Ба гуфтаи пайвандонаш Рустам Саидаҳмадзода иттиҳомоти нисбаташ эълоншударо рад карда, худро бегуноҳ медонад.

Бо гузашти як ҳафта аз рӯзи боздошти ин додрас то ҳол мақомот сабаби боздошти ӯро шарҳ надодаанд.

Гуфта мешавад то ҳол Президент фармони барканории Саидаҳмадзодаро содир накардааст ва номаш низ аз сомонаи расмии Додгоҳи ноҳияи Бобоҷон Ғафуров бардошта нашудааст.

Рустам Саидаҳмадзода соли 2017 додраси Додгоҳи ноҳияи Бобоҷон Ғафуров таъин гардида, замоне номаш дар сархати расонаҳо қарор гирифт, ки соли пеш як сокини вилояти Суғдро дар муҳокима бегуноҳ эълон кард. Чун дар Тоҷикистон додрасҳо кам нафаронеро бегуноҳ эълон мекунад ва ҳукмҳои сафед ангуштшуморанд.

Ҳатто баъди содир кардани ин ҳукм Коллегияи тахассусии Додгоҳи олии Тоҷикистон Саидаҳмадзодаро ба вайрон кардани интизоми корӣ гунаҳкор кард. Аммо Кумисюни байнулмилалии ҳуқуқшиносон ё ICJ баръакс аз мақомот хост, болои додрасҳо фишор наоранд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Боздошти ду тоҷикистонӣ бо гумони ба асорат гирифтани ҳамватани худ

Мақомоти Русия хабар доданд, ки ду шаҳрванди Ҷумҳурии Тоҷикистон бо гумони ба асорат гирифтан ва латтукӯби як ҳамватани худ боздошт шудаанд.

Русия мехоҳад бештар хориҷиёнро ба ҷанги зидди Украина барад

Дар наздиктарин фурсат дар Русия қонуни наве қабул мешавад,...

Оё низоми таҳсили 12-сола метавонад сифати таҳсилро беҳтар кунад?

Вазорати маориф ва илми Ҷумҳурии Тоҷикистон масъалаи гузариш ба низоми таҳсили 12-соларо ҷорӣ карданӣ аст.

Чаро кишварҳои ҳамсоя афғонҳоро ихроҷ мекунанд?

Ба иттилои мақомоти Толибон, Эрон зарфи як моҳ беш аз 500 ҳазор муҳоҷири афғонистониро ихроҷ кардааст.