27.9 C
Dushanbe

Рустами Эмомалӣ: ба боздоштҳои бемаврид ва шиканҷаи зиндониён хотима диҳед!

Дар Душанбе дирӯз 25 январ Иҷлосияи панҷуми Маҷлиси миллии Маҷлиси Олии Ҷумҳурии Тоҷикистон даъвати шашум баргузор гардид, ки дар он Прокурори генералии Тоҷикистон Юсуф Раҳмон дар бораи назорати риояи қонунҳо дар ҷумҳурӣ барои соли 2020 гузориш дод.

Дар ин бора дар сомонаи расмии Маҷлиси миллии Маҷлиси Олии Тоҷикистон хабар дода шуд.

Бино ба навиштаи ин сомона, дар рафти маҷлис раиси палатаи болоии парлумони Тоҷикистон Рустами Эмомалӣ дар назди мақомоти прокуратураи кишвар вазифаҳои мушаххас оид ба пешгирии шомил шудани шаҳрвандони ҷумҳурӣ ба сафи гурӯҳҳои террористӣ ва экстремистӣ, таъмини амнияти иттилоотӣ дар Тоҷикистон ва тақвияти назоратро болои ҷиноятҳои содиркардаи ҷавонон – махсусан задухӯрдҳои гурӯҳӣ ва кордкашӣ гузошт.

Писари раисҷумҳур Эмомалӣ Раҳмон, Рустами Эмомалӣ дар ин нишаст оиди афзоиши ҷиноятҳои коррупсионӣ дар кишвар, беэътимодии баъзе маълумотҳои оморӣ дар бахши кишоварзӣ ишора намуд.

Ҳамчунин раиси Палатаи болоӣ аз мақомоти Прокуратура талаб кард, ки барои пешгирии қочоқи инсон ва маводи мухаддир чораҳои муассир андешанд.

Дар идома Рустами Эмомалӣ ба Юсуф Раҳмон дастур дод, ки ба истифодаи шиканҷа нисбати онҳое, ки бо гумони содир намудани ҷиноятҳои муайян боздошт шудаанд, инчунин ашхосе, ки дар зиндонҳои Тоҷикистон адои ҷазо мекунанд, хотима дода, “дедовшина” дар сафи артиши Тоҷикистон қатъ карда шавад.

Дастури Рустами Эмомалӣ дар мавриди хотима додани шиканҷа дар зиндонҳо дар ҳолест, ки худи мақомот ҳаргуна шиканҷа дар зиндонҳо ва боздоштҳои бемавридро рад мекунанд.

Бино ба маълумоти интошргардида, чандест шаҳрвандони зиёде бо ҷурми андак боздошт мешаванд ва алайҳи онҳо бо чанд моддаи Кодекси ҷиноятии Тоҷикистон парванда боз мешаваду барои солҳои тӯлонӣ паси панҷараи зиндон мераванд.

Аксари маҳкумшудаҳо аз шиканҷа шудан дар зиндонҳо шикоят мекунанд, аммо мақомот онро рад мекунад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Гумонбарон дар қатли занҷираии Конибодом боздошт шуданд?

Мақомот гумонбарон дар қатли занҷираӣ дар шаҳри Конибодоми вилояти Суғдро боздошт кардаанд.

Ҳушдори КҲФ аз омадани сел дар баъзе манотиқ кишвар

Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон ба сокинон ва меҳмонони кишвар аз эҳтимоли омадани сел дар чанд ноҳияи кишвар ҳушдор медиҳад.

Боздошти Усмонзода бо иттиҳоми ғасби ҳокимият

Дахлнопазирии вакили парлумони кишвар Саидҷаъфар Усмонзода бекор ва худи ӯ ба ҳабси пешакӣ гирифта шуд.

“Карим”-ро аз Русия ихроҷ карданд

Мақомоти Русия варзишкори тоҷик ва қаҳрамони ду вазни созмони "Hardcore MMA" Фазлиддин "Карим" Мадраҳимовро аз ин кишвар ихроҷ карданд.