14.9 C
Dushanbe

Рӯзи таҷлили Иди Қурбон дар Тоҷикистон муайян шуд

Акс аз: “Asia-Plus”

Шӯрои маркази исломии Тоҷикистон расман таърихи баргузории Иди Қурбонро рӯзи 31 июл эълон кард. Хабаргузории “Sputnik” навиштааст, ки Сайидмукаррам Абдуқодирзода, раиси Шӯрои уламои Тоҷикистон зимни нишасти матбуотии Кумитаи дини Тоҷикистон гуфт, мувофиқи ҳисобҳои илмӣ имсол ид ба рӯзи ҷумъа 31 июл рост меояд.

Ӯ гуфт, намози Иди Қурбон дастаҷамъона доир намешавад ва шаҳрвандон метавонанд дар вақти намоз ба зикру тасбеҳ дар хонаҳояшон машғул шаванд.

“Азбаски мо дар ҳолати фавқулода ва маъмуливу ғайриоддӣ қарор дорем, масоҷид баста аст, то бартараф шудани ин хатар. Дар ин ҳолат шариати исломӣ пешбинӣ кардааст, ки намозгузорон дар хонаҳои худ дар вақти намози ид ба зикру тасбеҳ машғул шаванд”,- гуфт Сайидмукаррам Абдуқодирзода, раиси Шӯрои уламои Тоҷикистон.

Саидмукаррам Абдулқодирзода, дар бораи чӣ гуна дар ин ҳолат сурат гирифтани қурбониро низ шарҳ дод: “Дар ҳолати бо ҷамоат адо нашудани намози ид мувофиқи мазҳаби ҳанафӣ як нозукие вуҷуд дорад ва он инаст, ки дар чунин ҳолат қурбонӣ пас аз пешин сурат мегирад. Чаро ки инҷо бояд намози ид хонда мешуд, ҳоло намешавад ва ба ҳамин хотир қурбонӣ каме бо таъхир анҷом дода мешавад”.

Ӯ гуфт, як соат пас аз баромадани офтоб низ қурбонӣ ҷоиз аст, аммо афзалтару хубтараш он аст, ки пас аз пешин сурат бигирад ва савоб низ зиёдтар аст.

Интишори вируси ҳамагири COVID-19 на танҳо барои лағви намози Иди Қурбон сабаб шудааст, балки ҳатто баргузории маросими ҳаҷҷи имсола низ ба хотири ҳифзи саломатии ҳоҷиён ва пешгирӣ аз ин беморӣ доир намешавад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Ҷузъиёти боздошти Сулаймон Давлатов аз забони вакили дифоаш

Сабаби боздошти Сулаймон Давлатов, яке аз фаъолони сиёсӣ ва паноҳанда дар Литва, ки рӯзи ҷумъаи гузашта боздошт шуда буд, маълум шуд.

Навори нави чор гумонбари ҳамла ба “Крокус”

Хадамоти федералии амнияти Русия навори ыадиде аз бозпурсии чаҳор гумонбари ҳамлаи террористӣ ба "Крокус Сити Ҳолл"-и Красногорскро нашр кард.

То 600 сомонӣ ҷарима барои идгардаки кӯдакон дар Тоҷикистон

Вазорати маориф ва илми Ҷумҳурии Тоҷикистон бо судури қароре идгардакро дар рӯзи иди Рамазон барои кӯдакони боғча то донишомӯзони мактабу донишҷӯён мамнуъ эълон кад.

Боздошти Сулаймон Давлатов дар Литва

Мақомоти Литва Сулаймон Давлатов, як фаъоли сиёсии тоҷик ва паноҳанда дар ин кишварро боздошт кард.