32.9 C
Dushanbe

С.Ятимов: “Гулбиддин Зиёбеков ҷинояткор буд!”

Саймумин Ятимов, раиси Кумитаи давлатии амнияти миллии Тоҷикистон дар ҷаласае дар Хоруғ ширкат карда, гуфтааст, ки Гулбиддин Зиёбеков ҷинояткор буд.

Бо ин вуҷуд, мақомот бо роҳҳои мухталиф мехоҳанд болои ширкаткунандагон дар тазоҳуроти чоррӯза дар шаҳри Хоруғ фишор биоранд.

Пойгоҳи телеграмии “Pamir Daily News”, ки бештар ахбори Вилояти Мухтори Кӯҳистони Бадахшони Тоҷикистонро пӯшиш медиҳад, хабар додааст, ки мақомоти қудратӣ ва интизомӣ дар вилоят бо роҳҳои гуногун фишор овардан болои иштирокчиёни гирдиҳамоии эътирозии сокинон дар шаҳри Хоруғро оғоз кардаанд.

Аммо сомонаи Радиои Озодӣ дар истинод ба телевизиони маҳаллӣ дар Вилояти Мухтори Кӯҳистони Бадахшон иттилоъ дода, ки шоми 1-уми декабр бори аввал мақомот эълом карданд, “онҳое дар эътироз ширкат кардаанд ва ҷинояти дигар содир накардаанд, аз ҷавобгарӣ озоданд.”

Гулбиддин Зиёбеков 25-уми ноябр дар ноҳияи Роштқалъа дар деҳаи Тавдем аввал захмӣ ва сипас бо зарби 7 тир дар роҳ тавассути мақомоти Тоҷикистон кушта шуд. Қатли бераҳмонаи Гулбиддин Зиёбеков мавҷи эътирозҳоро дар Хоруғ сипас дар Душанбеву Маскав, Лондону Ню-Йорк ва дигар бузургшаҳрҳои хеле аз кишварҳои авропоӣ ба вуҷуд овард.

Хабарро таблиғ кунед:

БЕШТАР БИХОНЕД
БЕШТАР БИХОНЕД

“Гурӯҳи 24” рафтори мақомоти рус ва беамалии мақомоти тоҷикро маҳкум кард

Ҳаракати сиёсии “Гурӯҳи 24” бо нашри изҳороте рейду боздошт ва латтукӯби муҳоҷиронро дар шаҳру ноҳияҳои Русия муносибати ғайриинсонӣ ва бераҳмонаи мақомоти давлатии ин кишвар номид.

Шикояти вакилони дифоъи Хуршед Фозилов

Вакилони дифои рӯзноманигори зиндонӣ Хуршед Фозилов аз болои ҳукми Додгоҳи Панҷакент ба Додгоҳи вилояти Суғд шикоят бурдаанд.  

Латтукӯби муҳоҷирон ва ба маконҳои номаълум бурдани онҳо идома дорад

Чанд рӯзи ахир боздошт ва латтукӯби муҳоҷирон, бахусус муҳоҷирони тоҷик аз ҷониби нерӯҳои амниятӣ ва интизомии Русия бештар шудааст.

Рафту омад дар роҳи Душанбе-Хуҷанд маҳдуд шуд

Шуруъ аз имрӯз, 1-уми июни соли ҷорӣ дар шоҳроҳи Душанбе-Чаноқ барои рафту омади мошинҳо маҳдудият ҷорӣ шудааст.