Мунтахаби миллии футболи Тоҷикистон барои баргузории бозиҳои дӯстона ба Имороти Муттаҳидаи Араб сафар кард.
Бино ба иттилои расонаҳо, субҳи рӯзи 22-уми марти соли 2023 мунтахаби миллии футболи Тоҷикистон барои анҷоми бозиҳои дӯстона ба шаҳри Абудабӣ, пойтахти Имороти Муттаҳидаи Араб рафт.
Ба қавли манбаъ, мунтахаби миллии Тоҷикистон нахустини бозии худро бо кишвари мизбон рӯзи 25-уми марти соли ҷорӣ дар пойтахти ин кишвар анҷом медиҳад.
Инчунин дар назар аст, 28-уми моҳи ҷорӣ мунтахаби миллии Тоҷикистон бо мунтахаби миллии давлати Кувайт дар пойтахти ин кишвар шаҳри Кувайт ҳам бозии дӯстонаеро баргузор кунад.
Гуфта мешавад, барои иштирок дар ин бозиҳои рӯзҳои ФИФА “24 нафар бозигар – 3 дарвозабон, 9 ҳимоятгар, 8 нимҳимоятгар ва 4 ҳамлагар даъват шудаанд.”
