20.9 C
Dushanbe

Сафари Раҳмон ба Теҳрон

Субҳи имрӯз Президенти Тоҷикистон дар раъси як ҳайати расмӣ вориди Теҳрон, пойтахти Эрон шуд.

Бино ба иттилои расмӣ, имрӯз, 22-уми майи соли 2024 Эмомалӣ Раҳмон, Президенти Тоҷикистон барои видоъ бо пайкари Сайидиброҳим Раисӣ, собиқ Пезиденти Эрон, ки бар асари суқути чархбол ҷони худро аз даст дода буд, дар раъси як ҳайати расмӣ ба Эрон сафар кард.

Хадамоти матбуоти Президенти Тоҷикистон ҳадафи ин сафари Эмомалиро “барои иштирок дар маросими видоъ ва изҳори таъзия бинобар даргузашти фоҷеавии Президенти Ҷумҳурии Исломии Эрон Сайидиброҳим Раисӣ” гуфтааст.

Бар иловаи ҳузури ҳайати расмии Тоҷикистон барои видоъ бо пайкари Иброҳим Раисӣ ва ҳамроҳонаш даҳҳо ҳайати расмӣ ва ғайрирасмӣ аз кишварҳои мухталифи дунё ва созмонҳои ҷаҳонӣ ва минтақавӣ ба Теҳрон сафар кардаанд.

Гуфта мешавад, субҳи рӯзи 19-уми майи соли Ҷорӣ Сайидиброҳим Раисӣ дар сафари якрӯза ба устони Озарбойҷони Шарқӣ бо Илҳом Алиев, Президенти Ҷумҳурии Озарбойҷон дидор карда, сарбанди “Қизқалъаси”-ро, ки бо ҳамкории ду кишвар бар рӯдхонаи марзии Орас сохта шуда буд, ифтитоҳ карда, ҳангоми баргаштан ба шаҳри Табрез дар нимароҳ чархболи онҳо суқут карда, тамоми сарнишонони он ҷони худро аз даст дода буданд. Мақомоти эронӣ пайкари беҷони онҳоро пас аз 12 соати ҷустуҷӯ пайдо карда, барои шиносоӣ ба Табрез интиқол дода буданд.

Дар вақти сонеҳа ҳамроҳи раисиҷумҳури Эрон инчунин Амир Абдуллоҳиён, вазири корҳои хориҷии ин кишвар, Молик Раҳматӣ, устондори Табрез, Оятуллоҳ Сайид Муҳаммадалӣ Оли Ҳошим, имомҷумъаи Тарбез, раиси ягони ҳифозати раисҷумҳур ва халабонҳо ҳамагӣ ба ҳалокат расиданд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Гумонбарон дар қатли занҷираии Конибодом боздошт шуданд?

Мақомот гумонбарон дар қатли занҷираӣ дар шаҳри Конибодоми вилояти Суғдро боздошт кардаанд.

Ҳушдори КҲФ аз омадани сел дар баъзе манотиқ кишвар

Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон ба сокинон ва меҳмонони кишвар аз эҳтимоли омадани сел дар чанд ноҳияи кишвар ҳушдор медиҳад.

Боздошти Усмонзода бо иттиҳоми ғасби ҳокимият

Дахлнопазирии вакили парлумони кишвар Саидҷаъфар Усмонзода бекор ва худи ӯ ба ҳабси пешакӣ гирифта шуд.

“Карим”-ро аз Русия ихроҷ карданд

Мақомоти Русия варзишкори тоҷик ва қаҳрамони ду вазни созмони "Hardcore MMA" Фазлиддин "Карим" Мадраҳимовро аз ин кишвар ихроҷ карданд.