29.9 C
Dushanbe

Сафорати ИМА дар Тоҷикистон ба Гвардияи миллӣ 10 ҷип дод

Сафорати ИМА дар Тоҷикистон ба Гвардияи миллӣ барои таҳкими марзҳо ва амнити кишвар 10 адад мошини тамғаи “JEEP” ҳадя кардааст.

Бино ба иттилои Сафорати Иёлоти Муттаҳидаи Амрико (ИМА) дар Тоҷикистон маросими супоридани мошинҳо 8-уми ноябри соли ҷорӣ бо ҳузури сафири ИМА Ҷон Марк Поммершайм ва фармондеҳи Гвардияи миллӣ Бобоҷон Ҷамолзода баргузор гардидааст. Гуфта мешавад мошинҳо бо қисмҳои эҳтиётӣ, як устохона ва гузаронидани курсҳои омӯзишии хизматрасонӣ 858 818 доллар арзиш доштаанд.

Дар ин маросим Ҷон Марк Поммершайм аз Тоҷикистон барои ҳамкории зич дар соҳаи амнияти сарҳадӣ миннатдорӣ намуда, гуфтааст, ки “Мо дар мубориза бо терроризм, қочоқи ғайриконунии маводи мухаддир ва паҳншавии силоҳи ҳастаӣ шарик боқӣ мемонем. Вақте мо якҷоя кор мекунем, қавитар мешавем”.

Ёдовар мешавем, ки моҳи октябри соли 2021 Сафорати ИМА дар Тоҷикистон барои таҳкими марзҳо ба Вазорати дифои кишвар 20 адад мошинҳои “JEEP” дода буд.

Иёлоти Муттаҳидаи Амрико аз соли 1992 то ин ҷониб ба Тоҷикистон барои таъмини амният беш аз 330 миллион доллар кумак карда, 10 000 сарбоз ва кормандони мақомоти ҳифзи ҳуқуқро омӯзонидааст.

Дар 30 соли ҳамкорӣ бо Тоҷикистон, ИМА барои барномаҳои рушду кумак ба соҳаи амният, рушди иқтисодӣ, тандурустӣ, ҷомеаи шаҳрвандӣ ва маориф 1,8 миллиард доллар кумак намудааст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Ифтитоҳи бузургтарин масҷиди Осиёи Марказӣ дар Тоҷикистон

Бузургтарин масҷиди Осиёи Марказӣ бо ҳузури Амири давлати Қатар Шайх Тамим ибни Ҳамад Оли Сонӣ ва Эмомалӣ Раҳмон, Президенти Тоҷикистон дар шаҳри Душанбе мавриди баҳрабардорӣ қарор гирифт.

Имзои 15 санади ҳамкорӣ байни Тоҷикистон ва Қатар

Маросими имзои 15 санади ҳамкорӣ байни Тоҷикистон ва Қатар бо ҳузури сарони ду кишвар дар шаҳри Душанбе баргузор шуд.

Идомаи боздошти муҳоҷирони тоҷик дар Русия

Нерӯҳои интизомии Федератсияи Русия субҳи имрӯз, 8-уми июн беш аз 27 муҳоҷири тоҷикро аз сохтмоне дар шаҳраки Котелникии вилояти Маскав боздошт карда, ба шуъбаи пулис бурдаанд. 

Сафари Додситони кулли Эрон ба Тоҷикистон

Додситони кулли Ҷумҳурии Исломии Эрон дар раъси як ҳайати боломақоми кишвар вориди Тоҷикистон шудааст.