10.9 C
Dushanbe

Сари хамро шамшер намебуррад. Маросими савганд ёдкунии аъзои Ҳукумат ба Президент

Cурат: Хадамоти матбуоти Президент

Баъди таъйид шудани аъзои нави Ҳукумати Тоҷикистон вакилон ва аъзои Маҷлиси Олии Ҷумҳурии Тоҷикистон рӯзи 15 декбари соли равон ба Президенти кишвар савганд ёд карданд.

Сомонаи Президент аз рафти савгадёдкунии кабинаи нави Ҳукумати Тоҷикистон чанд аксеро интишор намуд, ки дида мешавад, аъзоёни Ҳукумат ҳангоми гирифтани эътимоднома дар назди Президент сарашонро нимтаъзим хам кардаанд, ки дар шабакаҳои иҷтимоӣ аз ҷониби корбарон мавриди интиқод қарор гирифт.

Бархе аз корбарон навиштанд, ки ин боз як анъанаи нав дар сохтори ҳукумати Тоҷикистон аст.

Коршиносон бар ин назаранд, ки аслан ин гуна урфу одатҳо бештар дар Ҳукуматҳои худкома мансуб аст, ҳамчунин ин амалҳои шахспарастӣ  буда, мансуб ба ҷомеаи демократӣ нест.

Сомонаи Президент навиштааст:

“аъзои Ҳукумат бо дарки масъулият ба Президенти Ҷумҳурии Тоҷикистон савганд ёд карданд, ки манфиатҳои миллат ва давлатро аз ҳама боло мегузоранд, тамоми нерӯ ва дониши худро барои рушди иқтисодиву иҷтимоии Тоҷикистон содиқона ва поквиҷдонона сарф менамоянд, Конститутсия, қонунҳо ва амру фармонҳои Президенти Ҷумҳурии Тоҷикистонро қатъиян риоя намуда, баҳри баланд бардоштани шӯҳрати Тоҷикистон дар арсаи байналмилалӣ софдилона хизмат менамоянд”.

Мутобиқи моддаи 73 ва моддаи 8 Қонуни конститутсионии Ҷумҳурии Тоҷикистон “Дар бораи Ҳукумати Ҷумҳурии Тоҷикистон” аъзои ҳукумат баъди таъин шудан ба вазифа ва таъйид шуданашон аз сӯйи ҷаласаи якҷояи Маҷлиси миллӣ ва Маҷлиси намояндагони Маҷлиси Олии Ҷумҳурии Тоҷикистон ба Президенти Ҷумҳурии Тоҷикистон савганд ёд мекунанд.

Ҳукумати Ҷумҳурии Тоҷикистон аз сарвазир, муовинони сарвазир, вазирон ва раисони Кумитаи давлатӣ иборат аст. Раиси Ҳукумати Тоҷикистон Эмомалӣ Раҳмон аст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Ихроҷи тоҷикон аз Кореяи Ҷанубӣ

Бино ба иттилои манобеи Azda tv, мақомоти Кореяи Ҷанубӣ дар ин чанд рӯзи ахир бархе аз муҳоҷирони тоҷикро боздошт ва аз ин кишвар ихроҷ кардаанд.

Ҷойивазкунии мақомдорон дар Тоҷикистон

Бо фармон ва қарорҳои нави Эмомалӣ Раҳмон чанд нафар аз як вазифа озод ва ба вазифа дигар таъйин шуданд.

Истирдоди як фаъоли тоҷик аз Лаҳистон ба Тоҷикистон

Мақомоти Лаҳистон ҳафтаи гузашта боз як фаъоли тоҷикро боздошт ва ба Тоҷикистон истирдод кардааст.

Чаро ҷавонон ифротгаро мешаванд?

Маънои луғавӣ ва истилоҳии ифротгароӣ Ифротгароӣ дар луғат ба маънои аз ҳад гузаштан, аз меъёр гузаштан ва зиёдаравӣ кардан аст (фарҳанги форсии Муин, фарҳанги форсии Амид). Калимаҳои мутародиф ва ё ҳаммаъно бо ифрот иғроқ, газофа, муболиға, сахтгирӣ, ғулув ва монанди ин мебошанд.