29.9 C
Dushanbe

Сармоягузории беш аз 3 миллиард долларии Чин дар иқтисоди Тоҷикистон

Кумитаи давлатии сармоягузорӣ ва идораи амволи давлатии Тоҷикистон изҳор дошт, ки ҳаҷми сармоягузориҳои Чин дар иқтисоди Тоҷикистон дар охири соли 2020 ба 3 миллиарду 15 миллион доллар расид.

Хабаргузории “Азия-Плюс” ба нақл аз манбааш дар Кумитаи давлатии сармоягузорӣ ва идораи амволи давлатии Тоҷикистон навишт, ки вуруди сармоягузорӣ аз Чин соли 2020, 152 миллионро ташкил дод, ки аз он 120 миллон доллар сармоягузориҳои мустақим мебошад.

Саҳми сармоягузории асосии Чин дар иқтисод, соли гузашта 35,5 дарсади хаҷми умумии сармояи ҷалбшудаи хориҷиро ташкил медиҳад.

Дар маҷмуъ, дар соли 2020 вуруди сармоягузориҳои хориҷӣ 428,4 миллион долларро ташкил додааст, ки аз он 162,5 миллион доллар сармоягузории мустақим, 265,9 миллион доллар сармоягузориҳои дигар мебошанд (қарзҳои имтиёзнок ва дигар сармоягузориҳои молиявӣ).

Сармоягузориҳои Чин ба иқтисоди Тоҷикистон танҳо дар нимаи дуввуми соли 2000 ворид шудан гирифт.

Аввалин, нисбатан калон, сармоягузории Чинро Тоҷикистон соли 2007 пас аз имзои шартномаи ҳамсоягии нек, дустӣ ва ҳамкорӣ ҷалб кард.

Вуруди назарраси сармоягузориҳои Чин пас аз ҳалли масоили ҳудуди марзӣ байни ду кишвар дар соли 2011 оғоз ёфт.

Дар солҳои 2007-2020 аз 65 кишвари ҷахон ба иқтисоди Тоҷикистон беш аз 10,3 миллиард доллар ҷалб карда шуд, ки тақрибан 30 дарсад ба Чин рост меояд. Пас аз он Русия (1,6 миллиард доллар), ИМА (703 миллион доллар), Англия (694 миллион доллар), Қазоқистон (577 миллион доллар) ҷойгиранд.

Маблаггузории асосии Чин тақрибан дар тамоми бахшҳои иқтисоди Тоҷикистон ба назар мерасад, ки афзалият ба иктишоф ва истихроҷи маъдан, алоқа, сохтмон, хадамоти молиявӣ, барқ, инфрасохтор, саноати кимиё ва бофандагӣ, ҳамчунин кишоварзӣ ва коркарди маҳсулоти кишоварзӣ дода мешавад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Мулоқоти Раҳмонов ва Пизишкиён дар Озарбойҷон

Раисҷумҳури худкомаи Тоҷикистон Эмомалӣ Раҳмон бо Президенти Эрон Масъуди Пизишкиён мулоқот кард.

Гармои шадид дар Тоҷикистон сокинонро нигарон кардааст

Рӯзҳои ахир шиддати гармои тобистонӣ дар Тоҷикистон аксари сокинонро нигарон кардааст.

Имомуддин Сатторов сафири Тоҷикистон дар Лаҳистон шуд

Сафири Фавқулода ва Мухтори Ҷумҳурии Тоҷикистон дар Олмон ва Лаҳистон Имомуддин Сатторов эътимодномаи худро ба Президенти Лаҳистон Анджей Дуда супорид.

Толибонро аввалин кишвари дунё расман эътироф кард

Пас аз чор соли ба сари қудрат расидани Толибон дар Афғонистон Русия аввалин кишваре шуд, ки ҳукумати сарпарастро ба расмият шинохт.