36.9 C
Dushanbe

Таҳдиди Назарзода: Мамадбоқир таслим ва ҷавонон шабона гаштанро бас кунанд

Ризо Назарзода, шаҳрдори шаҳри Хоруғ, маркази маъмурии Вилояти Мухтори Кӯҳистони Бадахшон дар муроҷиати телевизионии худ аз Мамадбоқир Мамадбоқиров хостааст, ки худро ба мақомот таслим кунад.

Тибқи иттилои Пойгоҳи хабарии “Помир Дайли Нюс“, ки бештар ахбори Вилояти Мухтори Кӯҳистони Бадахшонро пӯшиш медиҳад, Ризо Назарзода, шаҳрдори шаҳри Хоруғ, дар як муроҷитаи видеоии худ, ки аз тариқи телевизиони маҳаллии Бадахшон пахш шуд, Мамадбоқир Мамадбоқировро сардори як гурӯҳи ҷиноятӣ номида, аз вай хостааст, ки ба мақомот таслим шавад.

Ба гуфтаи Назарзода, “гурӯҳҳои созмонёфтаи ҷиноии Хоруғ” ба рушди минтақа монеъ мешаванд ва аз ин рӯ, мардум бояд ба онҳо муқобилат кунанд.

Шаҳрдори Хоруғ Мамадбоқи Мамадбоқировро раҳбари як гурӯҳи муташаккили ҷиноӣ номида, аз ӯ хостааст, то дар доираи қонун ҷавоб диҳад.

Ҳамзамон шаҳрдори маркази маъмурии ВМКБ аз ҷавонони Хоруғ даъват намудааст, ки гаштзании шабонаи худро қатъ кунанд ва таҳдид кардааст, ки агар гаштзаниро қатъ накунанд, ба ҷавобгарӣ кашида мешаванд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Ифтитоҳи бузургтарин масҷиди Осиёи Марказӣ дар Тоҷикистон

Бузургтарин масҷиди Осиёи Марказӣ бо ҳузури Амири давлати Қатар Шайх Тамим ибни Ҳамад Оли Сонӣ ва Эмомалӣ Раҳмон, Президенти Тоҷикистон дар шаҳри Душанбе мавриди баҳрабардорӣ қарор гирифт.

Имзои 15 санади ҳамкорӣ байни Тоҷикистон ва Қатар

Маросими имзои 15 санади ҳамкорӣ байни Тоҷикистон ва Қатар бо ҳузури сарони ду кишвар дар шаҳри Душанбе баргузор шуд.

Идомаи боздошти муҳоҷирони тоҷик дар Русия

Нерӯҳои интизомии Федератсияи Русия субҳи имрӯз, 8-уми июн беш аз 27 муҳоҷири тоҷикро аз сохтмоне дар шаҳраки Котелникии вилояти Маскав боздошт карда, ба шуъбаи пулис бурдаанд. 

Сафари Додситони кулли Эрон ба Тоҷикистон

Додситони кулли Ҷумҳурии Исломии Эрон дар раъси як ҳайати боломақоми кишвар вориди Тоҷикистон шудааст.