18.9 C
Dushanbe

Шиканҷаи Насриддинов дар бинои КДАМ

Низомиддин Насриддинов, як фаъоли тоҷик, ки мақоми паноҳандагии кишвари Олмонро дорад пас аз истирдодаш аз Беларус ба Тоҷикистон, мавриди шиканҷаи кормандони Кумитаи давлатии амнияти миллӣ қарор гирифтааст. 

Дар ин бора як корманди мақомот ба пайвандонаш хабар додааст. 

Саодат Насриддинова, модари Низомиддин ба Радиои Озодӣ гуфтааст, ки рӯзи 24- уми июл нафаре ба ӯ занг зада, худро нафари наздик ба мақомот муаррифӣ намудааст ва хабар додааст, ки Низомиддин дар бинои амният аст ва ӯро латтукӯб кардаанд. 

Ман ин ҳарфҳоро шунида, фиғон кардам, ки телефонро хомӯш кард, ҳарчанд кӯшиш кардам, ки тамос гирам, нашуд”,- мегӯяд Саодат Насриддинов.

Баъд аз ин модари Низомиддин ба Эътилофи зидди шиканҷа муроҷиат карда, кумаки ҳуқуқӣ хоста ва ин созмон онҳоро бо вакили дифоъ таъмин кардааст. 

Имрӯз, 31-уми июл валили дифоъ Муҳаббатшо Баллаев бо Низомиддин Насриддинов дар боздоштгоҳи рақами яки КДАМ дар Душанбе мулоқот кардааст. 

Саодат Насриддинова, модари Низомиддин мегӯяд, ки адвокати писараш гуфтааст, ки “саломатии Низомиддин хуб асту шиканҷа нашудааст.” Адвокат гуфтааст, ки писараш ба либоси тоза ва хамирдандон ниёз дорад. 

Вакили дифоъ дар ҳоле аз шиканҷа нашудани Низомиддин Насриддинов мегӯяд, ки худи кормандони мақомот ба модари ин фаъоли тоҷик занг зада, аз латтукӯб шудани писараш дар бинои амнияти кишвар хабар додаанд. 

Мақомоти тоҷик то ҳол расман дар бораи боздошти Насриддинов чизе нагуфтаанд. 

Ёдовар мешавем, ки Низомиддин Насриддинов 8-уми январи соли ҷорӣ ҳангоми гузаштан аз марзи Литва ба Беларус аз ҷониби мақомоти интизомии ин кишвар дастгир шуда буд.

Энира Бронитская масъули созмони ҳуқуқии “Human Constanta” дар суҳбат ба расонаҳо гуфта буд, ки Додситонии кулли Тоҷикистон рӯзи 21-уми феврали имсол истирдоди Насриддиновро талаб кард ва Додситонии кулли Беларус паноҳандагии ӯро дар Олмон ба назар нагирифта, барои истирдод розӣ шудааст.

Ӯ дар Тоҷикистон ба “даъвати оммавӣ ба ифротгароӣ” (мувофиқи моддаи 307, замимаи 1-и Кодекси ҷиноӣ) гумонбар аст ва дар пайгард қарор дошт.

Насриддинов аз замони боздошташ дар боздоштгоҳи шаҳри Гроднои Беларус қарор дошт ва аз қарори Додситонии кулли Беларус шикоят карда буд, аммо шикояташ ба инобат гирифта нашуд ва 10 рӯзи пеш ба Душанбе истирдод шуд. 

Баъд аз боздошти Низомиддин Насриддинов нуҳ созмони ҳомии ҳуқуқ аз мақомоти Беларус талаб карда буданд, ки ба ҳеч сурат Насриддиновро ба Тоҷикистон надиҳад.

Гуфта мешавад, Низомиддин Насриддинови 44-сола аз соли 2015 бо хонаводааш, аз ҷумла бо панҷ фарзандаш дар кишвари Олмон зиндагӣ мекард ва мақоми паноҳандагии ин кишварро низ дошт.

Ӯ дар гузашта дар нишастҳои Созмони Амният ва Ҳамкорӣ дар Аврупо ширкат ва суханронӣ карда, худро узви Ҳаракати сиёсии “Гурӯҳи 24” гуфта буд. Аммо соли 2018 аз узвияти ин ҳаракати сиёсӣ ихроҷ шуда, вақтҳои охир ба тиҷорати мошин машғул будааст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Даргузашти генерал Ғайрат Адҳамов

Генерал Ғайрат Адҳамов, яке аз собиқ қумандонҳои мухолифини ҳукумати Эмомалӣ вафот кард.

Шикасти Инглистон дар муқобили Испониё

Мунтахаби миллии футболи Испониё дар муқобили тими миллии Инглистон пирӯз шуд.

Раиси Ҳизби сотсиалистиро ҳам аз вазифа барканор кардан мехоҳанд

Мақомоти болоии Ҳибзи сотсиалистии Тоҷикистон гуфтаанд, ки дар Анҷумани...

Эълони мукофотҳо барои иштирокчиёни бозиҳои олимпӣ

Дар бозиҳои тобистонаи олимпӣ-2024 дар шаҳри Парижи Фаронса 14...