26.9 C
Dushanbe

Шикоят аз пулситонии раҳбари беморхона ба вазири тандурустии Тоҷикистон

Як корбар дар шабакаи иҷтимоии Фейсбук аз амалҳои ришваситонӣ ва коррупсионии мудири Маркази бемориҳои дилшиносии вилояти Суғд, Собиров С.И ба вазири тандурустии Тоҷикистон Ҷамолиддин Абдуллоев шикоят навиштааст.

Ин корбар бо номи

PrtScn: Фейсбук
Ба иддаои ин корбар раҳбари бемористони мазкур бемороне, ки аз қишри имтиёзноки ҷомеа ҳастанд, ба монанди маъюбон, камбизоатон ва гурӯҳҳои дигар дар бемористон намехобонад ва табобати амбулаторӣ мекунад. Зеро ин қишр ройгон бояд табобат гиранд. Ва бо хобондани онҳо нақшаи “Қарори 600” иҷро намешавад. Аммо дар баробари ин, шахсоне, ки чандон бемории ҷиддӣ надоранд, вале пул пардохт мекунанд, дар бемористон иҷозати бистарӣ карданро медиҳад.

Ин корбар менависад:

“Муҳтарам вазир, оё имрӯз беморхонаҳо ба колхоз табдил ёфтаанд, ки Шумо ба онҳо нақшаи пулӣ гузоштаед? Оё бемороне, ки маъюб ҳастан, камбизоат ҳастан, ё имтез доранд, магар онҳо инсон нестанд, ки бояд ба шакли амбулаторӣ табобат гиранд?”

Ардашер Ардимиров аз он шикоят дорад, ки Собиров С.И барои аз бемор маблағи бештар ситонидан аз пеши худ таҳлили хун ба гепатитҳои В ва С, ВНМО ва COVID-19, ки ҳачми маблағи онҳо ба 250 с. мерасад, ба таври ҳатмӣ карда аст. Гӯё барои иҷрои нақшаи “Қарори 600” мебошад.

Инчунин аз ҳар як шуъба ба таври ҳатмӣ ҳазор сомонӣ талаб мекунад ва мегӯяд, ки кадом духтуре маблағ наметияд аз кор хориҷ карда мешавад, – менависад Ардашер.

Ӯ дар идома меафзояд:

“Мухтарам вазир, ин шахс, яьне Собиров С.И барои маблағ ба киссаи худ ҷамъ кардан ба беморон таҳлилу-ташхисҳои иловагӣ ба ҳаҷми 350 с. ба таври ғайриқонунӣ ва берун аз протоколи Вазорат, ки барои ҳангоми бистарӣ шудани беморон пешбинӣ шудааст, ҷорӣ кардааст. Ва акнун бемор ба ҷойи 540 с. супоридан 900 с. месупорад.”

Дар охир ин корбар аз вазири тандурустии кишвар хоста, ки пеши роҳи чунин инсонҳоро гириад. Дар шарҳи ин матлаб корбарони зиёде низ чунин пулситониҳои бемавридро дар ин беморхона тасдиқ кардаанд. Зоҳиран аз навиштаҳои ин корбар бармеояд, ки корманди ин беморхона аст. Аммо на худи ӯ ва на дигар корбарон дар ин маврид чизе нагуфтаанд.

Ҳамчунин то ҳол назари худи раҳбари беморохона дастрас нест ва дар сурати нашр шудани назари ҷониби дигар “Аздо тв” онро ҳатман нашр хоҳад кард.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Афзоиши муҳоҷирати тоҷикон ба ИМА

Сафорати Иёлати Муттаҳидаи Амрико дар Тоҷикистон мегӯяд, ки судури раводиди муҳоҷиратӣ барои тоҷикистониҳоро афзоиш додааст.

Нишасти Шӯрои олии иқтисодии Иттиҳоди Авруосиё

Эмомалӣ Раҳмон дар нишасти Шӯрои олии иқтисодии Иттиҳоди иқтисодии Авруосиё, ки ба ҳайси меҳмон даъват шуда буд, иштирок ва суханронӣ кард.

ВКД-и Тоҷикистон хостори таҳқиқи латтукӯби донишҷӯён шуд

Вазорати корҳои дохилаи Тоҷикистон бо ирсоли барқияе аз мақомоти Русия хостори таҳқиқи латтукӯби донишҷӯён ва "рейд"-и муҳоҷирони тоҷик шудааст.

Вазорат латтукӯби бераҳмонаи сарбозро рад кард, аммо шоҳидон чизи дигар мегӯянд

Вазорати мудофиаи Тоҷикистон бо нашри изҳороте хабари бераҳмона латтукӯб шудани сарбози қаторӣ Маҷидов Аслиддинро аз ҷониби ҳамхизматонаш беасос номид.