36.9 C
Dushanbe

Шубҳаи Рустами Эмомалӣ дар бораи зердастонаш

Шаҳрдори шаҳри Душанбе бо ирсоли номае аз Агентии давлатии назорати молиявӣ ва муборизи бо корруписияи Тоҷикистон дархости санҷиш кардааст.

Бино ба иттилои сомонаи шаҳрдории шаҳри Душанбе, Рустами Эмомалӣ бо ирсоли номае ба Агентии давлатии назорати молиявӣ ва муборизи бо корруписия гуфтааст, ки фаъолияти зердастонашро дар соли 2022 аз санҷиш гузаронад.

Ба қавли манбаъ, ин санҷиш “бо мақсади таъмини шаффофият ва самаранокии истифодаи мақсадноки маблағҳои буҷетии мақомоти иҷроияи ҳокимияти давлатии шаҳри Душанбе” сурат мегирад.

Гуфта мешавад, ин дархости санҷиши “фаъолияти молиявию хоҷагидории мақомот (пойтахт) дар соли 2022” дар ҳоле сурат мегирад, дасти кам дар шаш моҳи ахир шикояти сокинон аз наҳваи бархурди нодурусти мақомоти шаҳрдорӣ бо сокинон ва иҷро накардани масъулиятҳошон дар шабакаҳои иҷтимоӣ зиёд шудааст.

Аз як сӯ, сокинони пойтахт аз он шикоят доранд, ки сатҳи хидматрасониҳои комуналӣ дар шаҳри Душанбе хеле паст буда, сокинон дар хонаҳои сарду торик зиндагӣ мекунанд, аз сӯи дигар, мақомоти пойтахтро ҳам муттаҳам мекунанд, ки бо вуҷуди доштани имконоти фаровон намехоҳанд мушкилоти мардумро сари вақт бартараф кунанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Боздошти як шаҳрванди Узбекистон дар Лаҳистон

Бино ба иттилои расонаҳои лаҳистонӣ, як шаҳрванди Узбекистон бо иттиҳоми ҳамла ба корд ба ҷони ду ноболиғ боздошт шудааст.

Беш аз 135 муҳоҷир дар интизори ихроҷ аз Русия

Сафорати Тоҷикистон дар Русия эълон кардааст, ки танҳо дар як боздоштгоҳи муваққатии Маскав беш аз 135 муҳоҷири тоҷикистонӣ дар интизори ихроҷ қарор доранд.

Аблуҳалим Ғафоровро ҳам аз вазифа ронданд

Абдуҳалим Ғаффоров пас аз 20 соли раисӣ дар Ҳизби сотсиалистии Тоҷикистон аз вазифааш барканор шуд.

Чаро мардум телевизионҳои давлатиро кам тамошо мекунанд?

Рӯзи 22- юми июли соли Кумитаи радио ва телевизони...