25.9 C
Dushanbe

Шумори хабарнигорони ҳалокшуда дар Ғазза афзоиш ёфт

Бар асари ҳамлаҳои Исроил дар Ғазза то имрӯз, 30-уми октябр 35 хабарнигор аз расонаҳои гуногун ба ҳалокат расида, даҳҳо нафари дигар захмӣ шудаанд.

Дафтари матбуоти ҳукумат дар Ғазза шоми якшанбе ному насаби рӯзноманигорони кушташударо нашр кард. Гуфта мешавад, ҳамлаҳо ба рӯзноманигорон ҳадафмандона буда, худи онҳо ва ё хонаводаашон ҳадаф қарор мегиранд.

Ба иттилои расонаҳо, дар пайи ин даргирҳо 4 нафар аз як оилаи рӯзноманигор, аз ҷумла зан, духтар, писар ва набераи Воил Даҳдуҳ, мудири расонаи қатарии “Ал-Ҷазира” дар Ғазза кушта шудаанд.

Дар ҳамин ҳол рӯзноманигор фаластинӣ дар Ғазза Ҳассуна Сулайм шоми дирӯз бо нашри наворе дар ҳисоби ТикТокаш гуфт, “ин видеое, ки ҳоло сабт мекунам, шояд охирин видиои ман бошад ва дигар сабт карда натавонам. Мо ҳамчун рӯзноманигорон дар Ғазза ҳар лаҳза ва ҳар соат мавриди ҳадафи Исроил қарор мегирем, аз 4 ҳамкоре, ки ҳакҷоя барои нашри ахбор ва воқеаҳо берун мебаромадем, 3 нафарашон кушта шуданд.” Ин рӯзноманигори фаластинӣ ҳамчунин афзуд, ки “Мутаассифона, тамоми саҳифа ва ҳисобҳои моро дар шабакаи иҷтимоӣ бастанд, вале мо роҳамонро идомам медиҳем.”

Аммо дар баробар ин ба гузориши расонаҳо, аз оғози ин даргириҳо то имрӯз 3 хабарнигорон аз Исроил низ кушта шудаанд.

Бино ба гузориши расмии Вазорати беҳдошти Фаластин, дар пайи ҳамлаҳои Исроил ба Ғазза аз 7-уми октябри соли ҷорӣ то имрӯз дар маҷмуъ 8005 нафар кушта шудааст, ки дар байни онҳо 3324 кӯдак ва 2062 зану 460 пиронсол вуҷуд дорад.

Дар ҳамин ҳол тибқи иттилои мақомоти расмии Исроил, аз аввали даргирҳо то имрӯз 1538 нафар кушта шуда, шумори захмиён ба 5132 нафар расидааст. Ҳамчунин оморҳои расмии Исроил мегӯянд, ки ҲАМОС 239 нафар аз шаҳрвандони исроилӣ ва хориҷиро асир гирифтааст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Тоҷикистон: 8 миллиард барои обу ҳаво

Кумитаи ҳифзи муҳити зисти Тоҷикистон ва Бонки Осиёии Рушд...

Боздошти Шокирҷон Ҳакимов, муовини раиси ҲСДТ

Шокирҷон Ҳакимов, муовини якуми раиси Ҳизби сотсиал-демократи Тоҷикисон аз...

Боздошти марди 59-солаи тоҷикистонӣ дар Олмон ба иттиҳоми қатли ҳамсар

Мақомоти олмонӣ як марди 59-солаи тоҷикистониро бо иттиҳоми қатли ҳамсараш боздошт кардаанд.

Баъди латукӯби сарбоз раиси суди ноҳияи Шамсиддин Шоҳин аз вазифа барканор шуд

Раиси суди ноҳияи Шамсиддин Шоҳини вилояти Хатлон, ки як сарбозро латукӯб карда буд, аз вазифа барканор шуд.