26.9 C
Dushanbe

Шуруъ аз фардо СААД нерӯҳояшро аз Қазоқистон мебарорад

Нерӯҳои низомии посдори сулҳи Созмони Аҳдномаи Амнияти Дастаҷамъӣ шуруъ аз фардо аз Қазоқистон марҳила ба марҳила ба кишварҳои худ баргардонида мешаванд.

Акс аз сомонаи “kapital.kz”

Қосим-Ҷомарт Тоқаев зимни суханроние рӯзи 11-уми январ гуфт, “марҳилаи шадиди амалиёти зиддитеррористӣ гузаштааст, вазъ дар тамоми минтақаҳо мӯътадил аст”.

Раисҷумҳури Қазоқистон гуфт, ки рисолати нерӯҳои низомии СААД дар ин кишвар ба охир расидааст ва раванди хуруҷи онҳо оғоз мешавад ва раванди хуруҷ на бештар аз 10 рӯзро дар бар мегирад. Вай афзуд: “рисолати аслии нерӯҳои посдори сулҳи СААД бомуваффақият анҷом шудааст ва пас аз ду рӯз хуруҷи онҳо аз кишвар оғоз мешавад”.

Тавре хабаргузории “EADaily” иттилоъ дод, вазири дифои Русия Сергей Шойгу низ гуфта, ки тибқи қарори Шӯрои амнияти дастаҷамъии СААД то рӯзи 9 январ нерӯҳои посдори сулҳи ин созмон вазъро дар Қазоқистон ба эътидол даровард ва вазифаи худро дар қаламрави Қазоқистон анҷом дод.

Ба гуфтаи Шойгу нерӯҳои посдори сулҳи СААД вазифаи худро дар Қазоқистон анҷом додаанд ва хуруҷи онҳо табиист, ки бо қарори худи раҳбарияти ин кишвар сурат мегирад.

Ёдовар мешавем, ки Созмони Аҳдномаи Амнияти Дастаҷамъӣ бо дархости раисҷумҳури Қазоқистон Қосим-Ҷомарт Тоқаев ба баҳонаи саркӯби “террористон” ва ба эътидол даровардани вазъияти пешомада ба ин кишвар ҳудуди 4 ҳазор нерӯи низомӣ фиристод.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Афзоиши муҳоҷирати тоҷикон ба ИМА

Сафорати Иёлати Муттаҳидаи Амрико дар Тоҷикистон мегӯяд, ки судури раводиди муҳоҷиратӣ барои тоҷикистониҳоро афзоиш додааст.

Нишасти Шӯрои олии иқтисодии Иттиҳоди Авруосиё

Эмомалӣ Раҳмон дар нишасти Шӯрои олии иқтисодии Иттиҳоди иқтисодии Авруосиё, ки ба ҳайси меҳмон даъват шуда буд, иштирок ва суханронӣ кард.

ВКД-и Тоҷикистон хостори таҳқиқи латтукӯби донишҷӯён шуд

Вазорати корҳои дохилаи Тоҷикистон бо ирсоли барқияе аз мақомоти Русия хостори таҳқиқи латтукӯби донишҷӯён ва "рейд"-и муҳоҷирони тоҷик шудааст.

Вазорат латтукӯби бераҳмонаи сарбозро рад кард, аммо шоҳидон чизи дигар мегӯянд

Вазорати мудофиаи Тоҷикистон бо нашри изҳороте хабари бераҳмона латтукӯб шудани сарбози қаторӣ Маҷидов Аслиддинро аз ҷониби ҳамхизматонаш беасос номид.