25.9 C
Dushanbe

Шурӯи нишастҳои хабарии мақомот дар Душанбе

Рӯзи душанбеи 13 июл нишастҳои хабарии мақомоти Тоҷикистон дар се вазорат, энергетика ва захираҳои об, адлия ва кишоварзӣ ва ҳамчунин Хадамоти алоқа  оғоз мешавад.

Ин ниҳодҳои давлатӣ ва низ Академияи илмҳои кишоварзии Тоҷикистон  аз фаъолияти худ дар нимсолаи аввал гузориш медиҳанд.

Ба гузориши “Ховар” нишасти хабарии Вазорати адлия соати 09:00, Хадамоти алоқа соати 11:00 ва Вазорати энергетика ва захираҳои об соати 15:30 дар Маркази матбуоти ҷумҳуриявии АМИТ «Ховар» баргузор мешаванд. Аммо нишасти матбуотии муштараки Вазорати кишоварзӣ бо Академияи илмҳои кишоварзӣ соати 14:00 дар маҷлисгоҳи Донишгоҳи аграрии Тоҷикистон ба номи Шириншоҳ Шоҳтемур баргузор мешудааст.

Дар сомонаи khovar.tj эълонҳо оид ба вақт ва макони баргузоршавии нишастҳои матбуотии вазорату идораҳо ва ташкилоту муассисаҳо ба забонҳои тоҷикӣ ва русӣ нашр карда мешаванд.

Ёдовар мешавем, ки нишастҳои матбуотии вазорату идораҳо, ташкилоту муассисаҳо тибқи нақшаи тасдиқкардаи Дастгоҳи иҷроияи Президенти Ҷумҳурии Тоҷикистон аз 13 июл оғоз гардида, 31 июл ба анҷом мерасанд.         Дар пайи дастури раиси ҷумҳурии Тоҷикистон дар соли 2011 қарор бар ин буд, ки ҳар семоҳа масъулини ниҳодҳои давлатӣ аз натоиҷи фаъолияти худ ба ҷомеа тавассути хабарнигорон гузориш бидиҳанд. Аммо баъдан шумораи нишастҳои хабарӣ дар як сол аз чаҳор ба ду маротиба коҳиш дода шуд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Тоҷикистон: 8 миллиард барои обу ҳаво

Кумитаи ҳифзи муҳити зисти Тоҷикистон ва Бонки Осиёии Рушд...

Боздошти Шокирҷон Ҳакимов, муовини раиси ҲСДТ

Шокирҷон Ҳакимов, муовини якуми раиси Ҳизби сотсиал-демократи Тоҷикисон аз...

Боздошти марди 59-солаи тоҷикистонӣ дар Олмон ба иттиҳоми қатли ҳамсар

Мақомоти олмонӣ як марди 59-солаи тоҷикистониро бо иттиҳоми қатли ҳамсараш боздошт кардаанд.

Баъди латукӯби сарбоз раиси суди ноҳияи Шамсиддин Шоҳин аз вазифа барканор шуд

Раиси суди ноҳияи Шамсиддин Шоҳини вилояти Хатлон, ки як сарбозро латукӯб карда буд, аз вазифа барканор шуд.