-2.1 C
Dushanbe

Шурӯи нишастҳои матбуотӣ дар ниҳодҳои давлатии Тоҷикистон

Қарор аст 13-уми июл нишастҳои матбуотии мақомоти Тоҷикистон оғоз шавад.Тибқи иттиллои хабаргузории Спутник ин нишастҳои хабарӣ бо ҳузури роҳбарони вазорату сохторҳо ва ташкилоту муассисаҳо то 31-уми июли соли ҷорӣ идома хоҳад кард. Дар ҳамин ҳол “Ховар” -хабаргузории расмии Тоҷикистон иттилоъ додааст, ки ҳамарӯза дар сомонаи ожонси мазкур таърих ва соати баргузории нишасти матбуотии идораҳо нашр мегардад.

Ин пойгоҳи расмии хабарӣ аз масъулони вазорату кумитаҳо ва ташкилоту муассисаҳое, ки дар ҳудуди шаҳри Душанбе фаъолият мекунанд, даъват намудааст, ки вақти баргузории нишастҳои матбуотиро дар толори Маркази матбуоти ҷумҳуриявӣ бо “Ховар” мувофиқат кунанд.

Нишастҳои матбуотӣ бо ҳузури роҳбарони идораҳои давлатӣ ҳар шашмоҳпас бар асоси амри раисиҷумҳури Тоҷикистон аз 15 сентябри соли 2011 гузаронида мешаванд.

Қаблан ин нишастҳо дар сол чаҳор маротиба доир мешуд, аммо баъдан то ду маротиба коҳиш дода шуд.
Дар амри Раисҷумҳур таъкид шуда аст, ки бо ҳадафи иттиллои бештар аз фаъолияти ниҳодҳои ҳукуматӣ ва дастрасӣ ба маълумот аз дасти аввал ин нишастҳо доир хоҳанд шуд. Вале бо гузашти 10 сол аз роҳандозии ин таҷриба маҳофили хабарии Тоҷикистон аз он қаноат ҳосил накардааст. Дар бештари ҳолат масъулини асосии вазорату идораҳо ширкат намекунанд ва баъдан ҳам намояндагони ниҳодҳои расмӣ бо матнҳои аз қабл омодакардашуда омада бо қироати он барои суолу ҷавоб вақт боқӣ намегузоранд.

То ҳоло нашудааст, ки сардорони Вазорати мудофиа, Кумитаи амнияти миллӣ, Дастгоҳи раёсати Ҷумҳурӣ, худи Раҳмон ва рустами Эмомалӣ ягон маротиба дар ин нишастҳо ширкат карда бошанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Толибон: Аҳмади Масъуд бо Иморати исломӣ байъат кардааст

Толибон мегӯянд, ки Аҳмади Масъуд, раҳбари ҷабҳаи муқовимати миллии Афғонистон бо Иморати исломӣ байъат кардааст.

Тасдиқи бемории Мамадшоева дар зиндон

Улфатхоним Мамадшоева, рӯзноманигор ва фаъоли зодаи Вилояти Мухтори Кӯҳистони Бадахшон дар зиндон аз фишорбаландӣ азият мекашад.

Бобаки Занҷонӣ баъди 10 сол озод мешавад

Бобаки Занҷонӣ, миллардер ва тоҷири шинохтаи эронӣ, ки бо иттиҳоми напардохтани беш аз 2 миллиард евро дар Теҳрон боздошт ва зиндонӣ шуда буд, озод хоҳад шуд.

Раиси Додгоҳи ноҳияи Ҷаббор Расулов бо кадом ҷурм зиндонӣ шуд?

Агентии зидди фасоди Тоҷикистон мегӯяед, раиси Додгоҳи ноҳияи Ҷаббор Расулов бо иттиҳоми гиирфтнаи пора дар ҳаҷми калон боздошт ва равонаи зиндон шуд.