Се тан аз чеҳраҳои шинохтаи илму адаби тоҷик узви пайваста ва ифтихории Фарҳангистони забон ва адаби форсии Эрон гардиданд.
Бино ба иттиои сомонаи сафорати Эрон дар Тоҷикистон, имрӯз, 22-уми сентбяри соли 2022 дар бинои ин сафорат дар шаҳри Душанбе маросими бузургдошти Рӯзи Абуабдуллоҳи Рӯдакӣ баргузор шуд.
Ба қавли манбаъ, дар ин маросим, ки бо ҳузури бархе фарҳангиён, устодони донишгоҳ ва ҳаводорони шеъру адаби порсӣ баргузор шуд, сафири Эрон дар Тоҷикистон суханронӣ намуд ва хабар дод, ки "се тан аз фарҳехтагон тоҷик, хонум Голрухсори Сафӣ, Абдунабӣ Сатторзода ва Рустам Ваҳобзода узви доимӣ ва фахрии Фарҳангистони забон ва адаби форсии Ҷумҳурии Исломии интихоб шудаанд."
Дар ҳамин маросим Муҳаммадтақӣ Собирӣ, "Сафири Эрон дар Тоҷикистон шаҳодатномаҳои узвиятро, ки аз ҷониби раиси Фарҳангистони забон ва адаби форсӣ содир шуда буд, ба ин афрод супурд."
Гуфта мешавад, пеш аз ин чанд тан аз донишмандони кишварамон чун Муҳаммадҷон Шакурии Бухороӣ, Абдулқодир Маниёзов, ва Саймуддин Додихудоев узвияти ин Фарҳанистонро доштанд.
