25.9 C
Dushanbe

Соли 2021 аз Русия ба Тоҷикистон 830 ҳазор тонна маводи сӯзишворӣ ворид мешавад

Бино ба иттилои хабаргузории ҳукуматии “Ховар” соли 2021 аз Федератсияи Русия ба Тоҷикистон 830 ҳазор маводҳои сӯхти гуногуни нафтӣ бидуни пардохти боҷи гумрукӣ оварда мешавад.

Аз Хадамоти матбуоти Вазорати энергетика ва захираҳои оби Ҷумҳурии Тоҷикистон ба “Ховар” гуфтаанд, ки ин маҳсулоти нефтӣ аз 260 ҳазор тонна сӯзишвории бензин, 310 ҳазор тонна сӯзишвории дизелӣ, 40 ҳазор тонна сӯзишвории ҳавопаймо, 30 ҳазор тонна равғани гармидиҳанда, 40 ҳазор тонна битуми нафтӣ, 100 ҳазор тонна кокси нафтӣ ва 50 ҳазор тонна гази моеъ иброат аст.

Вале маълум нест, ки баъди ворид гардидани ин миқдор маводҳои сӯзишворӣ ба Тоҷикистон оё нархи сузишворӣ тайғир меёбад ё не, чизе дар ин маврид гуфта нашудааст.

Бино ба иттилои расман тасдиқ нагардида 80 дарсади воридоти сӯзишвории Тоҷикистонро ширкати “Фароз” – мутаалиқ ба Шамсулло Соҳибов, домоди Президенти Тоҷикистон ворид мекунад, ё воридоти маҳсулоти нафтиро назорат мекунанд, ки ҳар як ширкати воридкунанда барои ворид кардан аз “Фароз” иҷозатнома мегирад.

Вале мақомоти Тоҷикистон дар ин маврид ҳамеша хомӯширо ихтиёр намуда, касе чизе намегӯяд.

Ҳамчунин яке аз дигар воридкунандагони маҳсулоти нафтӣ дар Тоҷикистон ширкати “Газпуромнефт”-и Русия мебошад, ки то чанд сол қабл яке аз воридкунандагони асосии маҳсулоти нефтӣ ба шумор мерафт ва бештари ширкатҳо аз “Газпром” харидорӣ мекарданд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Боздошти ду тоҷикистонӣ бо гумони ба асорат гирифтани ҳамватани худ

Мақомоти Русия хабар доданд, ки ду шаҳрванди Ҷумҳурии Тоҷикистон бо гумони ба асорат гирифтан ва латтукӯби як ҳамватани худ боздошт шудаанд.

Русия мехоҳад бештар хориҷиёнро ба ҷанги зидди Украина барад

Дар наздиктарин фурсат дар Русия қонуни наве қабул мешавад,...

Оё низоми таҳсили 12-сола метавонад сифати таҳсилро беҳтар кунад?

Вазорати маориф ва илми Ҷумҳурии Тоҷикистон масъалаи гузариш ба низоми таҳсили 12-соларо ҷорӣ карданӣ аст.

Чаро кишварҳои ҳамсоя афғонҳоро ихроҷ мекунанд?

Ба иттилои мақомоти Толибон, Эрон зарфи як моҳ беш аз 500 ҳазор муҳоҷири афғонистониро ихроҷ кардааст.