35.9 C
Dushanbe

Созмони ҷаҳонии беҳдошт гуфт, ки кай вируси карона аз байни мо меравад

Созмони ҷаҳонии беҳдошт дар як изҳороти ахири худ рӯзи ҷумъа 21 август баён дошт, ки вируси корона (COVID-19) то камтар аз ду соли дигар дар байни мардуми ҷаҳон боқӣ хоҳад монд. Ӯ ин гуфтаҳоро бо такя ба таҷрибаи башарӣ бо вирусҳои қаттоли асри гузашта ироа доштааст.

Директори генералии Созмони ҷаҳонии беҳдошт Тедрос Адханом Гебрейюс зимни изҳороташ афзуда, ки зукоми испании соли 1918, ки дар Амрико ва Аврупо паҳн гашта буд, тақрибан ҷони 50 млн инсонро рабуд ва шуюъи он ду сол идома пайдо кард.

Директори ин созмони ҷаҳонӣ сабаби аслии оламгир шудани ин вирусро дар баҳампайвастагии ҷомеаҳои ҷаҳонӣ арзёбӣ кард, ки бо сафару сайёҳат ва кору зиндагӣ имрӯз ҳама аз як кишвар ба кишвари дигар сафар анҷом медиҳад ва равуо байни инсоният бештар шудааст. Аммо “дар айни ҳол мо донишу технологияи беҳтар дорем, ки метавонем камтар аз ду сол онро маҳв кунем “,- мегӯяд Тедрос Адханом.

Вируси ҳамагири корона, ки бори аввал 15 декабри соли 2019 дар Вуҳани Чин сабт шуда буд ва тадриҷан ба кишварҳои дигари олам сироят кард, то рӯзи ҷумъа, 21 августи соли 2020, беш аз 23 миллион нафар дар саросари ҷаҳон сироят ёфта ва ҷони беш аз 800 000 одамро рабудааст.

То имрӯз баъзе кишварҳо ва инчунин пажӯҳишгоҳҳову озмоишгоҳҳои алоҳида иддао кадраанд, ки барои сохтани ваксинаи вируси корона ё розӣ шудаанд ва ё дар ҷараёни тавлиди бештари онанд, ё дар марҳилаи ниҳоии сохти он ҳастанд. Аммо то ба ҳол, ягон ваксинае нест, ки аз ҷониби кишварҳо, пажӯҳишгоҳҳои бонуфузи таҳқиқотӣ ё ниҳодҳои қабули тасмимҳои тиббӣ ва тандурустӣ ба монанди Созмони ҷаҳонии беҳдошт ба фурӯш бароварда шуда ё тасдиқ шуда бошад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Мулоқоти сафири Тоҷикистон бо Додситони кулли Туркия

Ашрафҷон Гулов, домоди Эмомалӣ Раҳмон ва сафири Тоҷикистон дар Туркия, 8-уми июни соли ҷорӣ бо Додситони кулли Туркия Бекир Шоҳин мулоқот карда, ба густариши ҳамкориҳо таъкид кард.

Ифтитоҳи бузургтарин масҷиди Осиёи Марказӣ дар Тоҷикистон

Бузургтарин масҷиди Осиёи Марказӣ бо ҳузури Амири давлати Қатар Шайх Тамим ибни Ҳамад Оли Сонӣ ва Эмомалӣ Раҳмон, Президенти Тоҷикистон дар шаҳри Душанбе мавриди баҳрабардорӣ қарор гирифт.

Имзои 15 санади ҳамкорӣ байни Тоҷикистон ва Қатар

Маросими имзои 15 санади ҳамкорӣ байни Тоҷикистон ва Қатар бо ҳузури сарони ду кишвар дар шаҳри Душанбе баргузор шуд.

Идомаи боздошти муҳоҷирони тоҷик дар Русия

Нерӯҳои интизомии Федератсияи Русия субҳи имрӯз, 8-уми июн беш аз 27 муҳоҷири тоҷикро аз сохтмоне дар шаҳраки Котелникии вилояти Маскав боздошт карда, ба шуъбаи пулис бурдаанд.