27.9 C
Dushanbe

Стипендияи доншиҷӯёни мактабҳои олӣ зиёд мешавад?

Эмомалӣ Раҳмон фармони боло бурдани андозаи стипендияи донишҷӯёни муассисаҳои таҳсилоти олии касбӣ ва миёнаи касбии кишварро имзо кард. Дар ин бора “Sputnik” хабар дод.

Гуфта мешавад, ин фармон бо мақсади дастгирии давлатӣ ва тақвияти вазъи иҷтимоии донишҷӯён содир шудааст. Ҳамчунин бар асоси ин фармон стипендияи магистр, аспиранту докторантҳо низ боло хоҳад рафт.

Дар бораи боло бурдани стипендия Эмомалӣ Раҳмон дар паёми солонааш гуфта буд.

Бар асоси ин фармон, аз 1 сентябри соли 2021 андозаи стипендияҳои амалкунандаи донишҷӯёни муассисаҳои таҳсилоти олии касбӣ ва миёнаи касбӣ, инчунин магистр, аспирант ва докторантҳо ба андозаи 30 дарсад зиёд карда мешавад.

Аммо стипендияи президентӣ, курсантҳои донишгоҳҳои олии ҳарбӣ ва Академияи ВКД боло бурда намешавад.

Қаблан президенти Тоҷикистон пешниҳод карда буд, ки на танҳо стипендия, балки нафақа барои гурӯҳҳои алоҳидаи маъюбӣ низ то 20 дарсад зиёд карда шавад.

Ҳамасола Раҳмон зимни паёмҳои солонаш аз боло бурдани маош, стипендия ва нафақа мегӯяду фармонҳо ба имзо мерасонад. Бештари шаҳрвандон аз он шикоят мекунанд, ки дар баробари фармонҳои раисҷумҳур нархи озуқаворӣ низ боло меравад. Аз ин сабаб он маошу нафақае, ки мегиранд барои зиндагиашон намерасад. Ҳатто ҳолатҳое буданд, ки баъд аз фармонҳои Президент маош, нафақа ва стипендия боло нарафта, балки ҳамон андозаи қаблиро ба шаҳрвандон медодаанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Сохти беш аз 100 дидбонгоҳи марзии ҷадид

Толибон дар марз байни Афғонистон ва кишварҳои ҳамсояи он зиёда аз 100 дидбонгоҳи марзии нав сохтанд.

Мулоқоти Эмомалӣ бо Дабири кулли СММ

Раисҷумҳури Тоҷикистон Эмомалӣ Раҳмон дар Ню-Йорк бо Дабири кулли Созмони Милали Муттаҳид Антониу Гутерриш мулоқот кард.

Озодии 10 зиндонӣ бо пардохти 6 миллиард доллар

10 нафар аз зиндониёни эронӣ ва амрикоӣ бо "пардохт"-и 6 миллиард доллар озод шуданд.

Зеленский ҷаҳонро аз оғози ҷанги ҷаҳонии сеюм ҳушдор дод

Владимир Зеленский, раисҷумҳури Украина 17-уми сентябр дар мусоҳибае бо...