16.9 C
Dushanbe

Сӯхтор дар бозори Фаровони Бохтар

Дар натиҷаи сӯхтор дар бозори “Фаровон”-и шаҳри Бохтар дасти кам 12 нафар захмӣ шуда, вазъи саломатии як нафари онҳо вахим гузориш шудааст.

Шаби 1 ба 2-уми июни соли 2022 дар бозори марказии шаҳри Бохтар, ки ба бозори “Фаровон” маъруф аст, сӯхтор ба амал омадааст. Дар аксу наворҳое, ки корбарон дар шабакаҳои иҷтимоӣ ва расонаҳо нашр кардаанд, дида мешавад, ки алангаи оташ даҳҳо дукону мағозаҳоро ба коми худ фурӯ мебарад.

Сӯхтор дар бозори “Фаровон”-и шаҳри Бохтар бештар мағозаву дуконҳои воқеъ дар растаҳои қолинфурӯшӣ, телефонҳои мобилӣ, дастгоҳҳои электронӣ ва матоъфурӯширо дарбар гирифтааст.

Дар бархе наворҳои ахир дида мешавад, ки бо гузашти наздик ба 12 соат аз оғози сӯхтор ҳамон мошинҳои оташнишонӣ дар дохили бозор ҳузур доранд ва талош мекунанд, оташро пурра хомӯш кунанд.

Гуфта мешавад, иллатҳои аслии сар задани сӯхторро ҳанӯз мақомот пурра таҳқиқ ва расман эълон накардаад, аммо чун бозори “Фаровон”-и шаҳри Бохтар дар маркази ин шаҳр ҷойгир шудааст, пас аз ташкил ва таъсиси бозори “Ҳоҷӣ Шариф” дар ин шаҳр ин бори чандум аст, ки дар ин бозор сӯхтор ба амал меояд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Идомаи “рейд”-и муҳоҷирон дар Русия

Ҳафтаи дуюм аст, ки дар шаҳру ноҳияҳои Федератсияи Русия...

Боздошти собиқ раиси Тоҷик-Эйр

Мақомоти Тоҷикистон собиқ раиси Фурӯдгоҳи байналмилалии шаҳри Душанбе ва ширкати ҳавопаймойи "Тоҷик-Эйр"-ро боздошт кардаанд.

Сиёсати ҷанг ё идораи об?

Дар натиҷаи набардҳои ба вуҷуд омада дар минтақаҳои ҳаммарзи Афғонистон ва Эрон дасти кам се нафар кушта ва даҳҳо каси дигар аз ду тараф ҷароҳат бардоштанд.

Аз истирдоди як тоҷик ба Душанбе пешгирӣ шуд

28-уми майи соли ҷорӣ аз истирдоди паноҳҷӯи тоҷик Сорбон Абдураҳимзодаи 30-сола аз Варшава ба Душанбе пешгирӣ шуд.