-3.1 C
Dushanbe

Табибе, ки иддаои дидани Худоро карда буд, боздошт шуд

Табиби тоҷике, ки чанд рӯзи пеш бо пахши наворе иддо карда буд, Худоро дидааст, рӯзи 11-уми январ аз ҷониби Вазорати корҳои дохилии Тоҷикистон боздошт шуд.

Шоев Бахтиёр, табиби халқӣ ва раҳбари маркази табобатии “Шоҳёр” чанде пеш бо нашри наворе иддао карда буд, ки бо Худо на якбор, балки чанд маротиба вохӯрдааст ва амру фармонҳоро мустақим аз худи Ӯ мегирад. Ин навор дар шабкаҳои иҷтимоӣ сару садоҳои зиёдеро дар байни корбарон ба бор оварда буд.

Вазорати корҳои дохилии Тоҷикистон дар гузоришаш мегӯяд, ки Шоев Бахтиёр ин суханҳоро ба хотири ҷалби таваҷҷуҳи одамон ва манфиати молии бештар бурдан мекардааст. Худи табиб низ ин суханҳоро такрор мекунад.

Ҳамзамон дар гузориш худи табиб мегӯяд, фориғу таҳсили Донишкадаи соҳибкорӣ ва хидмат аст ва курси кӯтоҳмуддати Маркази ҷумҳуриявии тибби халқиро низ гирифтааст. Аммо ӯ мегӯяд: “Ман ягон маълумоти динӣ надорам, танҳо мақсади ман ин буд, ки як илоҷ карда, халқро фиреб дода, бо ин роҳ маблағ даромад кунам.

Шоев Бахтиёр дар навори қаблияш, ки ҳоло аз Ютуб пок карда шудааст, иддо мекард, чанд маротиба назди Худо рафтааст ва Ӯро аз наздик дидааст, ҳатто гуфта буд, ки Ӯ чӣ гуна шаклу сурат дорад. Ҳатто Шоев дар идомаи суҳбаташ таъкид мекард, ки суханҳояш ҳақиқат доранд ва мисли Паёмбари ислом (с) “агар дар дасти росташ офтобро диҳанд ва дар дасти чапаш моҳтобро аз суханҳое, ки мегӯяд, барнамегардад”. Аммо дар бозпурсии ВКД иқрор шуд, ки гуфтаҳояш танҳо фиреби мардум будааст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Аз Насимҷон Шарифов то ҳол хабаре нест

Бо гузашти се рӯз аз Насимҷон Шарифов, намояндаи Ҳаракати...

Мудири шуъбаи “Қаряи Боло” боздошт шуд

Мудири шуъбаи беморхонаи "Қаряи Боло"-и пойтахт бо иттиҳом даст доштан дар тасарруфи беш аз 70 ҳазор сомонӣ боздошт шудааст.

Як сарбози амрикоӣ дар назди сафорати Исроил худро оташ зад

Рӯзи якшанбе, 25-уми феврали соли ҷорӣ як сарбози нерӯҳои ҳавоии Амрико дар назди сафорати Исроил дар Вашингтон худро оташ зад.

Музокироти пинҳонии Тоҷикистон бо Толибон

Мақомоти Тоҷикистон бо намояндаҳои Толибон ба сурати пинҳонӣ дар шаҳри Душанбе мулоқот кардаанд.