20.9 C
Dushanbe

Табли шодии Қирғизистон аз “пирӯзии нисбӣ” дар низоъҳои дирӯзаи Тоҷикистон

Қамчибек Ташиев, Раиси Кумитаи давлатии амнияти миллии Қирғизистон гуфтааст, ки барои талафоти кам додан дар ин низоъ бо супориши прзидент хуб омодагӣ дида буданд.

Раиси Кумитаи давлатии амнияти миллии Қирғизистон мегӯяд:Соли гузашта, ки дар сарҳад низоъ рух дод, мо имконоти зиёд надоштем. Он вақт мо танхо як мошини зиреҳпӯш доштем. Дар ин муноқиша моро хуб дастгирӣ карданд. Бо супориши президент 40 мошини зиреҳпӯш оварда шуда буд, маҷрӯҳшудагон ва шаҳрвандони оддиро аз минтақаи ҳодиса берун оварданд. Бинобар ин, ин дафъа талафот кам буд.”

Пеш аз ин Кумитаи давлатии амнияти миллии Тоҷикистон ҳам дар ин бора хабар дода буд: “Ба манотиқи наздисарҳадии вилояти Бодканд кӯчонидани ҷузъу томҳои ҷудогона ва ҷузъу томҳои ҳарбӣ ва техникаи ҳарбӣ мушоҳида мешавад“. Ин чунин “Парвозҳои ҳавопаймоҳои бесарнишин бо вайрон кардани ҳарими ҳавоии Ҷумҳурии Тоҷикистон ба қайд гирифта шуданд.

Ба қавли расонаҳои қирғизӣ, мақомоти он кишвар на танҳо барои пирӯз шудан дар ин низоъҳо омодагии хуби ҳарбӣ дида буданд, балки барои кам кардани талафоти ҷонӣ ҳам тибқи нақша аз пеш омода буданд.

Расонаҳои қирғизӣ ба нақл аз Кумитаи ҳолатҳои фавқулъодаи он кишвар хабар додаанд, ки дар ин ҳодиса зиёда аз 11 ҳазор сокинони маҳаллиро ба ҷойҳои амн интиқол додаанд.

Гуфта мешавад, дар низоъҳои рӯз ва шаби гузашта дар деҳаи Сомониёни ҷамоати деҳоти Чоркуҳи ва Хоҷаи Аълои шаҳри Исфараи вилояти Суғд 2 нафар кушта ва дасти кам 31 нафар аз ду ҷониб захмӣ шудааст.

Афроди кушта шуда, Обидҷон Туйчиеви 36-сола ва Абдуллатиф Шарипови 58-сола ҳар ду сокинони мулкӣ буда, дар асари партоби минамиёт аз сӯи Қирғизистон ҷони худро аз даст додаанд. Ҳар чанд КДАМ-и Тоҷикистон мегӯяд, ки теъдоди захмиҳо 10 нафар аст, вале расонаҳои хабарӣ дар истинод ба манобеи худ аз захмӣ шудани ҳудуди 20 нафар гузориш додаанд. Ҳамзамон аз ҷониби Қирғизистон ҳам гузориш мешавад, ки 11 нафар захмӣ шудааст.

Раиси Кумитаи давлатии амнияти миллии Қирғизистон дар ҳоле аз супориш ва пуштибонии президенти он кишвар барои “пирӯз” шудан дар ин низоъ хабар медиҳад, ки бо гузашти қариби 24 соат аз оғози низоъҳо дар марзи Тоҷикистон бо Қирғизистон ва Эмомалӣ Раҳмон, Президети Тоҷикистон то ҳол дар бораи кушта шудани 2 шаҳрванди мулкӣ, захмӣ шудани ҳудуди 20 нафар, аз ҷумла низомиёну сарҳадбонон ва тахриби 9 хонаву як бошгоҳи низомӣ изҳори назар накардааст.

 

Хабарро таблиғ кунед:

БЕШТАР БИХОНЕД
БЕШТАР БИХОНЕД

Гумонбарон дар қатли занҷираии Конибодом боздошт шуданд?

Мақомот гумонбарон дар қатли занҷираӣ дар шаҳри Конибодоми вилояти Суғдро боздошт кардаанд.

Ҳушдори КҲФ аз омадани сел дар баъзе манотиқ кишвар

Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон ба сокинон ва меҳмонони кишвар аз эҳтимоли омадани сел дар чанд ноҳияи кишвар ҳушдор медиҳад.

Боздошти Усмонзода бо иттиҳоми ғасби ҳокимият

Дахлнопазирии вакили парлумони кишвар Саидҷаъфар Усмонзода бекор ва худи ӯ ба ҳабси пешакӣ гирифта шуд.

“Карим”-ро аз Русия ихроҷ карданд

Мақомоти Русия варзишкори тоҷик ва қаҳрамони ду вазни созмони "Hardcore MMA" Фазлиддин "Карим" Мадраҳимовро аз ин кишвар ихроҷ карданд.