Таъйиноти кадрӣ дар ҳукумати Эмомалӣ Раҳмон
Рӯзи 24 ноябри соли ҷорӣ президенти Тоҷикистон Эмомалӣ Раҳмон бо судури чанд фармон як идда раисони шаҳру навоҳӣ ва ректорони донишгоҳу донишкадаҳои кишварро аз мансабҳояшон барканор кард.
Раҷабов Раҷабалӣ Сайфиддинович аз вазифаи муовини раиси вилояти Хатлон озод ва Сулаймонзода Акрам Раҳим муовини раиси вилояти Хатлон таъйин карда шуд.
Ҳамчунин Раҳмон бо як фармони дигараш имрӯз 24 ноябр Шамиров Кишвар Ғуломрасулович бо сабаби ба кори дигар гузаштан аз вазифаи раиси шаҳри Хоруғи Вилояти Мухтори Кӯҳистони Бадахшон озод кард ва Мирзонабот Алишер Худобердиро иҷрокунандаи вазифаи раиси таъин кард.
Сулаймонзода Акрам Раҳим бо сабаби ба кори дигар гузаштан аз вазифаи раиси шаҳри Исфараи вилояти Суғд озод намуда, ба ҷои ӯ Баҳодурзода Баҳоваддин Баҳодур иҷрокунандаи вазифаи раиси шаҳри Исфара таъйин кард.
Дар ин ҷойивазкунӣ Эмомалӣ Раҳмон ҳамчунин раисони ноҳияҳои Рудакӣ, Шаҳринав, Файзобод, Муъминобод ва ҳамчунин ректорони донишгоҳу донигкадаҳоро иваз кард.
Хонандагони азиз, лутфан, ҳар хабару гузоришеро, ки мушоҳида мекунед ва ё пешниҳоду суоле доред, метавонед онро ба мо, тариқи почтаи электронӣ, Telegram, WhatsApp , Viber ва Imo ба ин рақам: +48519767404 бифиристед.