Таҳрими Белорус тавассути Иттиҳоди Аврупо
Роҳбарони Иттиҳодияи Аврупо ба далели иқдоми Белорус дар нишонидани ҳавопаймои мусофирбарӣ бо роҳандозии маҷмуае аз таҳримҳо бар алайҳи ин кишвар мувофиқат карданд.
Тибқи гузориши хабаргузории "Форс" аз ҷумлаи таҳримҳо, ки қарор аст роҳандозӣ шавад мамнуияти истифодаи Белорус аз ҳарими ҳавоӣ ва фурудгоҳҳои Иттиҳодияи Аврупо аст.
Расонаҳо рӯзи якшанбе гузориш доданд, ки як ҳавопаймои ҷангандаи Миг-29 мутааллиқ ба Белорус як ҳавопаймои мусофирбари "Ryanair"-ро раҳгирӣ намуда ва онро водор ба фуруди изтирорӣ ба фурудгоҳи Минск карда аст.
Мақомоти низомии Белорус муддаи шуданд, ки ин ҳавопаймо машкук ба таҳдид ба бомгузорӣ буд ва ҷангандаи Миг-29-и Белорус онро маҷбур ба фуруди изтирорӣ карда.
Дар ҳамин ҳол расонаҳо гузориш доданд, ки яке аз мусофирони ин ҳавопаймо аз мухолифони Ҳукумати Белорус ва гардонандаи яке аз каналҳои Телеграм ба номи "Nexta" буда ва далели фуруди ҳавопаймо низ ҳамин будааст.
Кишварҳои аврупоӣ ва Амрико раисҷумҳури Белорус Александр Лукашенкоро дар саркӯби мухолифонаш гунаҳкор медонанд ва барои фишор болои ӯ алайҳи ин кишвар таҳримҳо ҷорӣ карданиянд.
Хонандагони азиз, лутфан, ҳар хабару гузоришеро, ки мушоҳида мекунед ва ё пешниҳоду суоле доред, метавонед онро ба мо, тариқи почтаи электронӣ, Telegram, WhatsApp , Viber ва Imo ба ин рақам: +48519767404 бифиристед.