-1.1 C
Dushanbe

Тарси зиндонбонон аз рӯзноманигорони зиндонии сиёсии Тоҷикистон

Зиндонбонони Тоҷикистон аз тарси он, ки рӯзноманигорони зиндонии сиёсии кишварамон домулло Зубайдуллоҳи Розиқ ва Раҳматуллоҳи Раҷаб бори дигар ба раҳбарияти олии Тоҷикистон нома нанависанд, онҳоро аз ҳам ҷудо карданд.

Сомонаи Радиои Озодӣ ба нақл аз Валамат Иброҳимзода, ҳамсари Раҳматуллоҳи Раҷаб хабар додааст: “Ҳардуро озод карда, вале ба утоқҳои алоҳида бурдаанд, то ҳамдигарро набинанду суҳбат накунанд. Ҳоло дар утоқҳои гуногуни зиндон ҳастанд.”

Пеш аз ин АЗДО ТВ хабар дода буд, ки домулло Зубайдуллоҳи Розиқ ва Раҳматуллоҳи Раҷаб, ду тан зиндониёни сиёсии Тоҷикистон, ки ҳудуди ду моҳ дар утоқи ҷаримавӣ қарор доштанд, 9-уми январ озод ва ба макони муқаррарии худ интиқол дода шуданд.

Ин ду тан зиндониёни сиёсии Ҳизби наҳзати исломии Тоҷикистон ду моҳ пеш бо ирсоли номае аз Эмомалӣ Раҳмон хоста буданд, ки барои бознигарии парвандаашон дар ҳузури коршиносону нозирони байналмилалӣ ва рӯзноманигорони дохиливу хориҷӣ мусоидат кунад.

Дар он нома гуфта мешуд, онҳо гуноҳе надоранд ба ҷуз узви ҲНИТ будан, аз ин рӯ, хостори адолат шуданд. “Агар моро гунаҳгор медонанд, пас “гуноҳи” мо ҷуз аъзои Ҳизби наҳзати исломии Тоҷикистон будан чизи дигаре нест.”,- омадааст дар номаи онҳо.

Ин ду маҳбуси сиёсӣ таъкид намуда буданд, ки ба муносибати рӯзи Сарқонуни кишвар, ки Раҳмон худро кафили он медонаду пуштибони волояти қонун дар кишвар ҳисобида мешавад, хостаанд ӯро бо номаи кушод аз асли воқеаи ба сарашон омада дар ҷараён бигузоранд.

Мақомоти Тоҷикистон ва зиндонбонони Вазорати адлияи Тоҷикистон ба ҷои расидагӣ кардан ба ин нома ва расонидани муҳтавои он ба Прзедент Эмомалӣ Раҳмон ин ду рӯзноманигори рӯзгордида ва пирамади зиндониро ба утоқи ҷаримавӣ интиқол дода буданд.

Ба гуфтаи як коршиноси бахши ҳуқуқ дар Тоҷикистон, ки нахост номаш зикр шавад, зиндонӣ кардани афрод ин худ як навъ шиканҷаи равонии онҳост, то ислоҳ шаванд, аммо вақте зиндониёнро аз наздик шудан ва ё дар тамос будан бо ҳасафони худ дар як муассисаи ислоҳӣ ба мисли зиндони шаҳри Ваҳдат манъ мекунанд, дар аксари ҳолатҳо ин ду иллат дорад: яке тарси мақомот аз вокуниши онҳо ва дигаре афзоиши шиканҷаҳои равонӣ алайҳи зиндониён мебошад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Толибон: Аҳмади Масъуд бо Иморати исломӣ байъат кардааст

Толибон мегӯянд, ки Аҳмади Масъуд, раҳбари ҷабҳаи муқовимати миллии Афғонистон бо Иморати исломӣ байъат кардааст.

Тасдиқи бемории Мамадшоева дар зиндон

Улфатхоним Мамадшоева, рӯзноманигор ва фаъоли зодаи Вилояти Мухтори Кӯҳистони Бадахшон дар зиндон аз фишорбаландӣ азият мекашад.

Бобаки Занҷонӣ баъди 10 сол озод мешавад

Бобаки Занҷонӣ, миллардер ва тоҷири шинохтаи эронӣ, ки бо иттиҳоми напардохтани беш аз 2 миллиард евро дар Теҳрон боздошт ва зиндонӣ шуда буд, озод хоҳад шуд.

Раиси Додгоҳи ноҳияи Ҷаббор Расулов бо кадом ҷурм зиндонӣ шуд?

Агентии зидди фасоди Тоҷикистон мегӯяед, раиси Додгоҳи ноҳияи Ҷаббор Расулов бо иттиҳоми гиирфтнаи пора дар ҳаҷми калон боздошт ва равонаи зиндон шуд.