9.9 C
Dushanbe

Изҳори тасаллияти Эмомалӣ Раҳмон ба Ориф Алавӣ

Президенти Тоҷикистон Эмомалӣ Раҳмон барои ҳамдардӣ ба мардуми селзадаи Покистон ба президенти ин кишвар Ориф Алавӣ барақияи тасаллӣ фиристод.

Дар тасаллиятномае, ки Хадамоти матбуоти Президети Тоҷикистон онро аз номи Эмомалӣ Раҳмон нашр карда, омадааст: “Хабари фавти шумораи зиёди одамон дар Ҷумҳурии Исломии Покистон бар асари обхезиҳои харобиовари ахир боиси андӯҳи бепоёни мо гардид.”

Эмомалӣ Раҳмон дар хитоб ба Президенти Покистон гуфта, ки “ба Шумо, аҳли хонавода, ҳамаи пайвандону наздикони фавтидагон ва мардуми дӯсти Покистон таъзияи амиқ ва тасаллиятҳои сидқии худро иброз менамоям.”

Ин изҳори тасаллияти Эмомалӣ Раҳмон дар ҳоле баён шудааст, ки аз замони оғози борондагиҳои ахир дар Покистон ба қавли ББС то ҳол 1136 нафар ҳалок шудааст. Танҳо дар 24 соати гузашта 75 нафар ҷони худро аз даст дода ва ин омор дар ҳоли афзоиш аст. Наздик ба 33%-и фавтидагонро кӯдакон ташкил медиҳанд.

Мақомоти покистонӣ гуфтаанд, ки дар ҳоли ҳозир ҳудуди 35 миллион нафар аз ҷумлаи зарардидагон дониста мешаванд ва тибқи ҳисобҳои пешакӣ хисороти онҳо беш аз 10 миллиард доллар арзёбӣ мешавад.

Гуфта мешавад, борондагиҳои зиёд қариб, ки тамоми Покистонро фаро гирифта ва аксаран онҳое зарар дидаанд, ки дар манотиқи кӯҳистонӣ ва деҳоти дурдаст зиндагӣ мекунанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Ихроҷи тоҷикон аз Кореяи Ҷанубӣ

Бино ба иттилои манобеи Azda tv, мақомоти Кореяи Ҷанубӣ дар ин чанд рӯзи ахир бархе аз муҳоҷирони тоҷикро боздошт ва аз ин кишвар ихроҷ кардаанд.

Ҷойивазкунии мақомдорон дар Тоҷикистон

Бо фармон ва қарорҳои нави Эмомалӣ Раҳмон чанд нафар аз як вазифа озод ва ба вазифа дигар таъйин шуданд.

Истирдоди як фаъоли тоҷик аз Лаҳистон ба Тоҷикистон

Мақомоти Лаҳистон ҳафтаи гузашта боз як фаъоли тоҷикро боздошт ва ба Тоҷикистон истирдод кардааст.

Чаро ҷавонон ифротгаро мешаванд?

Маънои луғавӣ ва истилоҳии ифротгароӣ Ифротгароӣ дар луғат ба маънои аз ҳад гузаштан, аз меъёр гузаштан ва зиёдаравӣ кардан аст (фарҳанги форсии Муин, фарҳанги форсии Амид). Калимаҳои мутародиф ва ё ҳаммаъно бо ифрот иғроқ, газофа, муболиға, сахтгирӣ, ғулув ва монанди ин мебошанд.