Тасаллияти худ ба худии Эмомалӣ Раҳмон
21-уми июл, Эмомалӣ Раҳмон, раиси Ҳукумати Тоҷикистон дар як иқдоми нодир бо интишори тасаллиятномае ба унвони президенти Тоҷикистон Эмомалӣ Раҳмон изҳори ҳамдардӣ кардааст.
Ҳукумати Тоҷикистон бо раҳбарии Эмомалӣ Раҳмон, ки дар корномаи расмиаш изҳори ҳамдардӣ ба шаҳрвандони Тоҷикистон ба нудрат мушоҳида мешавад, маротибаи ҳамдардии худро ба унвони президент Эмомалӣ Раҳмон барои даргузашти хоҳараш Қурбонбӣ Раҳмоноваи 64-сола расман ва аз тариқи сомонаи президент баён кардааст.
Қурбонбӣ Раҳмонова дувумин кас аз аъзои хонаводаи Эмомалӣ Раҳмон аст, ки тайи ду ҳафтаи ахир бар асари гирифторӣ ба коронавирус вафот мекунад.
Пеш аз ин дар санаи 5-уми июли моҳи ҷорӣ хушдомани Эмомалӣ Раҳмон хонум Ӯзбекбӣ Асадуллоева дар синнӣ 88-солагӣ ҷоми маргро чашида буд.
Хонандагони азиз, лутфан, ҳар хабару гузоришеро, ки мушоҳида мекунед ва ё пешниҳоду суоле доред, метавонед онро ба мо, тариқи почтаи электронӣ, Telegram, WhatsApp , Viber ва Imo ба ин рақам: +48519767404 бифиристед.