Вазорати корҳои хориҷии кишварамон ба намояндагӣ аз Ҳукумати Тоҷикистон ба мардуми Афғонистон ибрози ҳамдардӣ кардааст.
Тибқи иттилои сомонаи Вазорати корҳои хориҷии Тоҷикистон, "ба намояндагӣ аз Ҳукумати Ҷумҳурии Тоҷикистон Вазорати корҳои хориҷӣ хабар медиҳад, ки ҳодисаи заминларза дар вилоятҳои Пактико ва Хусти Афғонистон, ки бар асари он теъдоди зиёди сокинони ин минтақаҳо фавтида ва хисороти зиёди моддиро ба бор овардааст, моро сахт андӯҳгин кард."
Вазорати корҳои хориҷии Тоҷикистон маротиби "тасаллияти амиқи Ҳукумат ва мардуми Тоҷикистонро ба аҳли хонавода ва наздикону пайвандони фавтидагони ин заминларза"-и Афғонистон баён карда, гуфтааст, ки "барои осебдидагони ин фоҷеаи табиӣ орзуи шифои оҷил дорем."
Гуфта мешавад, заминларзаи Афғонистон шаби 22-уми июни соли ҷорӣ дар манотиқи ҷануби шариқи ин кишвар ва қисме аз минтақаҳои ҳаммарзи Покистон бо Афғонистон рух дода, ки тибқи оморҳои ахир дар асари ин ҳодиса зиёда аз 3500 нафар кушта ва захмӣ ба ҷо гузошта ва ҳазор каси дигарро бехонаву дар кардааст.
