25.9 C
Dushanbe

Тавофуқи Эрону Тоҷикистон дар мавриди ҳамкориҳои низомӣ

Вазирони дифои Эрону Тоҷикистон зимни нишасте дар Теҳрон дар масъалаи ҳамкориҳои дуҷонибаи низомӣ ба тавофуқ расиданд.

Вазири мудофиаи Ҷумҳурии исломии Эрон Амир Ҳотамӣ аз муносибатҳои амиқ ва гарм бо Тоҷикистон истиқбол намуда, гуфт, ки ду кишвар ба сӯи тавсеаи минбаъдаи ҳамкорӣ дар соҳаи мудофиа ва низомӣ дар асоси эҳтиром ва эътимоди ҷонибҳо ҳаракат мекунанд.

Рӯзи сешанбе Ҳотамӣ дар мулоқот бо вазири мудофиаи Тоҷикистон генерал-полковник Шералӣ Мирзо дар Теҳрон гуфт, ки сиёсати хориҷии Эрон ҳамеша ба робитаҳо бо Тоҷикистон аҳамияти калон медод.

Ҳамчунин Вазири дифои Эрон аз ҳузури гурӯҳҳои террористӣ ва экстремистӣ дар баъзе минтақаҳо изҳори нигаронӣ намуда, гуфт:

“Мо ҳамеша мухолифати худро ба ҳузури нерӯҳои фаромарзӣ дар ҷангҳо ва муноқишаҳои гуногун баён мекардем. Фарқе надорад, ки ин ҳузур дар Сурия, Ироқ, Афғонистон ё ҷои дигаре бошад.”

Вай ҳамчунин аз мавқеи Эрон дар бораи зарурати ҳалли мушкилоти минтақа тавассути ҳамкориҳои дастаҷамъонаи кишварҳои минтақа гуфт.

Вазири дифои Тоҷикистон дар навбати худ гуфт, ки Тоҷикистон тасмим гирифтааст ҳамкориҳои сиёсӣ, низомӣ ва дифоӣ бо Эронро беҳтар кунад.

Ӯ таъкид намуд, ки ҳамкории ду кишвар дар барқарории сулҳ, субот ва амният дар минтақа нақши муҳим дорад.

Ёдовар мешавем, ки Вазири дифои Тоҷикистон Шералӣ Мирзо бо даъвати расмӣ рӯзи 5-уми апрел озими Эрон шуда буд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Дархости мухлисони футбол аз “Барқи тоҷик”

Сокинони шаҳру ноҳияҳои Тоҷикистон аз ширкати "Барқи тоҷик" талаб доранд, ки имшаб барои тамошои футболи дастаи “Истиқлол”-и Душанбе ва “Ан-Наср”- и Арабистони Саудӣ, барқро қатъ накунанд.

Чанд шаҳру ноҳия дар рӯзи аввал нақшаи даъватро иҷро карданд

Мақомоти ВМКБ, баъзе ноҳияҳои вилояи Хатлон ва вилояти Суғд хабар доданд, ки нақшаи даъватро дар як рӯз пурра иҷро кардаанд.

Баъди бо тухм задани Раҳмон, намоянданони ҳукумат дар нишасти САҲА ширкат мекунанд?

Нишастҳои навбатии Созмони Амният ва Ҳамкории Аврупо дар мавриди санҷиш ва баҳодиҳии ҳуқуқи инсон дар шаҳри Варшава, пойтахти Лаҳистон аз имрӯз, 2-уми октябри соли 2023 шуруъ мешавад.

Дар Тоҷикистон боздошти пайвандони мухолифон идома дорад

Бо гузашти се рӯз аз тазоҳурот ва бо тухм...