28.9 C
Dushanbe

Тазоҳуроти мухолифини тоҷик дар назди ВКХ Олмон

Рӯзи 25-уми марти соли ҷорӣ гурӯҳе аз мухолифони ҳукумати Эмомалӣ Раҳмон дар шаҳри Берлини Олмон, назди Вазорати корҳои хориҷаи ин кишвар тазоҳурот карданд.

Муътаризон аз ҳукумати Олмон озодии Абдуллоҳи Шамсиддинро хостанд. Аз аксу наворҳое, ки иштироккунандагон нашр кардаанд, дида мешавад, ки онҳо дар даст овезаҳоеро бо акси зиндониёни сиёсӣ, рӯзноманигорони зиндонӣ, кушташудагони Бадахшон ва Абудллоҳи Шамсиддинро доранд.

Чанде аз ҳозирин дар назди бинои Вазорати хориҷа суханронӣ карда, аз мақомоти Олмон хостанд, ҳарчи тезтар барои баргардонидани Абдуллоҳи Шамсиддин иқдом кунад.

Аз ҷумла, Маҳмудҷони Файзраҳмон зимни суханронияш дар мавриди ихроҷи Абдуллоҳи Шамсиддин аз Олмон ба Тоҷикистон мегӯяд: “Бо гузаштани ду моҳ аз ихроҷаш, то ҳол ҳукумати Тоҷикистон дар куҷо будани ӯро намегӯяд. Ин як раванди хеле хатарнок аст, ки як кишвари демократӣ ба мисли Олмон бо як ҳукумати диктатурие мисли Тоҷикистон ҳамкорӣ мекунад ва фаъолони сиёсии тоҷикро ба Тоҷикистон мефиристад, ҳамон коре ки то кунун Русия анҷом додааст.”

Ӯ ҳамчунин дар мавриди сафари Раҳмон ба Амрико ва Аврупо ишора карда, гуфт: “Мо ин ҷо ҷамъ омадаем, то эътироз ва нигаронии худро ба мақомоти Олмон ва ҷомеаи ҷаҳонӣ аз сафари раисиҷумҳури Тоҷикистон ба Олмон ва кишварҳои ғарбӣ бирасонем.”

Оқои Файзраҳмон мегӯяд: “Вақте ки ҳама диктаторҳо зулм мекунанд, чаро кишварҳои ғарбӣ баъзе диктаторҳоро таҳрим мекунанд ва ҳамзамон аз диктаторҳои дигар истиқбол мекунанд?  Оё ин адолат аст?”

Ба иттилои масъулини Паймони миллии Тоҷикистон – эътилофи нерӯҳои мухолифин дар хориҷ, қарор аст дақоиқе баъд тазоҳуроти асосӣ дар назди парлумони Олмон вобаста ба сафари Эмомалӣ Раҳмон доир шавад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

“Гурӯҳи 24” рафтори мақомоти рус ва беамалии мақомоти тоҷикро маҳкум кард

Ҳаракати сиёсии “Гурӯҳи 24” бо нашри изҳороте рейду боздошт ва латтукӯби муҳоҷиронро дар шаҳру ноҳияҳои Русия муносибати ғайриинсонӣ ва бераҳмонаи мақомоти давлатии ин кишвар номид.

Шикояти вакилони дифоъи Хуршед Фозилов

Вакилони дифои рӯзноманигори зиндонӣ Хуршед Фозилов аз болои ҳукми Додгоҳи Панҷакент ба Додгоҳи вилояти Суғд шикоят бурдаанд.  

Латтукӯби муҳоҷирон ва ба маконҳои номаълум бурдани онҳо идома дорад

Чанд рӯзи ахир боздошт ва латтукӯби муҳоҷирон, бахусус муҳоҷирони тоҷик аз ҷониби нерӯҳои амниятӣ ва интизомии Русия бештар шудааст.

Рафту омад дар роҳи Душанбе-Хуҷанд маҳдуд шуд

Шуруъ аз имрӯз, 1-уми июни соли ҷорӣ дар шоҳроҳи Душанбе-Чаноқ барои рафту омади мошинҳо маҳдудият ҷорӣ шудааст.