20.4 C
Dushanbe

Тихановская аз ИА хост натиҷаҳои интихоботи 9 августи Белорусро эътироф накунанд

Акс аз кадри видеои YouTube

Светлана Тихановская, номзади мухолифин ба мақоми президенти Белорус аз роҳбарони кишварҳои аврупоӣ даъват кардаст, ки натоиҷи интихоботи 9-уми августи ин кишварро эътироф накунанд.

“Ман аз шумо даъват мекунам, ки натоиҷи тақаллубии интихоботро эътироф накунед”, – гуфтааст ӯ дар як муроҷиати видеоии худ дар шабкаи YouTube. Ин муроҷиати ӯ ба забони англисӣ садо додааст.

Тихановская мегӯяд: “Барои онки ба таҳвили мусолиматомези ҳукумат дар кишвари ман мусоидат шавад, ман ибтикори ташкили Шӯрои ҳамоҳангии миллии Белорусро анҷом додам, ки ҷараёни интиқоли сулҳомези қудратро тавассути музокира роҳбарӣ кунад”.

Ба гуфтаи Тихановская “Шӯро масъалаи баргузории фаврии интихоботи нави ҳақиқӣ ва демократии раиси ҷумҳуриро таҳти назорати мушоҳидони байналмилалӣ дар миён мегузорад”.

Вай ҳамчунин лидерони давлатҳои Аврупоро даъват кардааст, ки “усули ҳуқуқи байналмилалӣ,мустақилияти Белорус ва интихоби мардуми белорусро эҳтиром бигзоранд”.

Айни замон Тихановская дар Литва қарор дорад. Муроҷиати ӯ дар арафаи баргузории саммити таъҷилии Иттиҳоди Аврупо дар робита ба вазъияти Белорус, ки дар шакли видеоконфаронс қарор аст рӯзи ҷумъа доир шавад ба нашр расидааст.

Шӯрои ҳамоҳангии миллии Белорус рӯзи сешанбе ташкил ёфт.Ҳайати он иборат аз 70 нафар аст ки умдатан аз намояндагони мухолифин таркиб ёфтааст. Ҳадафи он интиқоли сулҳомези  ҳукумат дар ҷумҳурӣ аст.

Александр Лукашенко таъсиси шӯрои мазкурро талоши оппозитсия барои ғасби ҳокимият талаққӣ кардааст.

Даъвати Тихановская дар ҳоле расонаӣ мешавад,ки лидерони кишварҳои урупоӣ натоиҷи интихоботи Белорусиро рад ва худи ӯро персона нон грат эълон карданд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Бозгашти нахустин гурӯҳи зоирони тоҷик

Нахустини гурӯҳи зоирони тоҷикистонӣ баъд аз анҷоми маросими Ҳаҷ-2024 аз Арабистони Саудӣ ба Ватан баргарштанд.

Нопадид шудани панҷ сокини Язгулом дар фурӯдгоҳи Кӯлоб

Панҷ нафар аз сокинони ноҳияи Язғулом дар фурӯдгоҳи шаҳри Кӯлоб нопадид шудаанд. Дар ин бора хешовандонашон ба расонаҳо дар Тоҷикистон хабар додаанд. 

Ҳамлаи террористӣ дар Доғистон 20 кушта ба ҷо гузошт

Бино ба иттилои Вазорати корҳои дохилии Русия, шаби 23-уми...

Абдусалом Одиназода аз зиндон озод шуд

Абдусалом Одиназода, донишманди тоҷики муқими Австралия баъд аз 3,5 соли зиндон рӯзи 19-уми июн ба озодӣ баромад.